روسییا مختلیف فورماتلار چرچیوه‌سینده داغلیق قاراباغ مناقیشه‌سینین طرفلری اوچون موافیق حل یوللاری تاپیلماسینا یاردیم ائد‌جک.

رئپورت خبر وئریر کی، بونو روسییانین خاریجی ایشلر ناظری سرگی لاوروو آذربایجان خاریجی ایشلر ناظیرلیینین باشچیسی ائلمار ممدیاروولا گؤروشدن سونرا مسکوادا کئچیردیی مطبوعات کنفرانسیندا دئییب.

"بیز داغلیق قاراباغ مناقیشه‌سینین نیظاملانماسی بارده دانیشدیق. روسییا هم باکی و ایروانلا ایکیطرفلی علاقه‌لر چرچیوسینده، هم ده روسییا، آذربایجان و ارمنیستان اوچطرفلی گؤروشلری فورماتیندا طرفلر اوچون مقبول حل یوللاری تاپماق مسئله‌سینده کؤمک گؤسترمه‌یه داوام ائد‌جک" - س. لاوروو وورغولاییب.

اونون سؤزلرینه گؤره، روسییا آوروپا تهلوکه سیزلیک و امکداشلیق تشکیلاتینین مینسک قروپونون دیگر همصدرلرینین - آمئریکا و فرانسانین دا ایشتیراکی ایله عرصه‌یه گلن پرینسیپیال یاناشمالار اوزره ممکون بوتون آددیملاری آتیر.

روسییا خاریجی ایشلر ناظیرلیینین باشچیسی دانیشیقلارین سوییه‌سیندن ممنونیتینی ده دیله گتیریب: "پرزیدنتلریمیزین تاپشیریقلارینین یئرینه یئتیریلمه‌سی اوزرین‌ده ایشلری داوام ائتدیرجییک."