آوروپا تهلوکسیزلیک و امکداشلیق تشکیلاتینین مینسک قروپو داغلیق قاراباغ مناقیشه‌سینی حل ائتمک‌ده عاجیزدیر و یا بونو ایستمیر، بونو آنلادیق. بس مینسک قروپو ارمنیستانین داغلیق قاراباغدا حیاتا کئچیردیی تخریباتلاری نیه دایاندیرماق ایستمیر؟

آخار. آذ خبر وئریر کی، بو حاقدا پولیتولوگ ائلخان شاهین اوغلو یازیب. سیاسی شرحچی بیلدیریب کی، جبهه بؤلگه‌سینده‌کی گرگینلییه محض بو تخریباتلار سبب اولور:

«تخریباتلاری بیر-بیر سادالایاق. بیرینجی‌سی، ارمنیستان داغلیق قاراباغا کؤچو دایاندیرمیر و بو کؤچ ارمنیلرین هئچ واخت یاشامادیقلاری اراضیلری ده احاطه ائدیر.

ایکینجی‌سی، ارمنیستان داغلیق قاراباغ اطرافینداکی رایونلاردا حربی تعلیملری داوام ائتدیریر.

اوچونجوسو، ایشغال آلتینداکی رایونلاردا اؤز دوشونجه‌لرینه اویغون «یئنیدن قورما» ایشلری آپاریرلار، شوشادا مسجیدین «تعمیری» بونون نمونه‌سیدیر.

دؤردونجوسو، داغلیق قاراباغدا اتنیک تمیزله‌مه حیاتا کئچیردیکدن سونرا آرتیق نئچه نجی دفعه‌دیر کی، ایداره ائتمه‌نی دییشیرلر. مینسک قروپو بونلارین هئچ اولمازسا، بیرینه نیه «دور» دئمیر؟ مینسک قروپونون آتشکسین قورونماسی واجیبلیگی ایله باغلی یوزلرله بیاناتی وار، آنجاق سادالادیغیم مؤوضوعلارین بیریله باغلی بیر آچیقلاماسی بئله یوخدور».