آذربایجان مسکوا گؤروشونه تشببوس ائد‌رک، آیدینلاشدیرماق ایستدی کی، ارمنیستان اراضیلری قایتارماغا حاضیرلاشیرمی، روسلار ایروانی راضی سالا بیلدیمی؟!

پوبلیکا. آذ خبر وئریر کی، بو باره‌ده ارمنی اکسپرت ایستپان گریگوریان آپرلین ۲۸-ده مسکوادا کئچیریلن آذربایجان، ارمنیستان و روسییا خاریجی ایشلر ناظیرلرینین گؤروشونو شرح ائدرکن دئییب. لاکین ارمنی اکسپرت ارمنیستانین نیه گؤروشه گئتدیینی دقیق بیلمدیینی قید ائدیب.

اونون سؤزلرینه گؤره، گؤروشله باغلی یاییلان رسمی معلوماتلار رسمی دیلدیر:

«آذربایجان بیلمک ایستییردی کی، اراضیلر قایتاریلاجاقمی و روسییا بونون اوچون ارمنیستانا تضییق گؤسترمیی باجاراجاقمی؟! امینم کی، ناظیرلر بیر-بیرینین الینی سیخارکن ممدیاروو نالبندیاندان سوروشوب: «سیز اراضیلری قایتارماغا حاضیرلاشیرسینیز؟» گمان کی، نالبندیان سوسوب. ممدیاروو داها سونرا اوزونو لاورووا توتوب و سوروشوب: «سیز قوشونلارین ایشغال ائدیلمیش اراضیلردن چیخاریلماسی اوچون ارمنیستانا تأثیر ائده بیلدینیزمی؟» لاوروو دا گمان کی، هئچ بیر جاواب وئرمه‌ییب. پروبلم بیزیم حاکمیتین سواللار قارشی‌سیندا سوسماسیدیر. چونکی اونلار روسییادان آسیلیدیرلار و اونون دئدیکلریندن کنارا چیخمیرلار».