ایکینجی دونیا محاربه‌سین‌ده فاشیزم اوزرینده غلبه‌نین ۷۲-جی ایلدؤنومو مناسیبتیله مایین ۹-دا باکی‌دا طنطه‌نه‌لی مراسیم کئچیریلیب.

آخار. آذ خبر وئریر کی، آذربایجان پرزیدنتی، سلاحلی قوه‌لرین علی باش کوماندانی ایلهام علیئو مراسیمده ایشتیراک ائدیب.

محاربه اشتراکچیلاری ایله گؤروشن پرزیدنت اونلارا غلبه گونو مناسیبتیله تبریکلرینی چاتدیریب.

آذربایجان پرزیدنتی ایکی دفعه سوویت اتفاقی قهرمانی، تانک قوشونلاری گنرال-مایورو حزی آصلانووون عابده‌سی اؤنونه اکلیل قویوب، عائله عضولری ایله گؤروشوب، اونلاری قلبه بایرامی مناسیبتیله تبریک ائدیب.

دؤولت باش‌چیسی ایکینجی دونیا محاربه‌سی اشتراکچیلاری ایله خاطره شکلی چکدیریب.

فخری قراول دسته‌سی حربی مارشین صدالاری آلتین‌دا علی باش کوماندانین قارشیسین‌دان کئچیب.

مراسیمده دؤلت و حکومت رسمیلری ایشتیراک ائدیبلر.