ارمنیستان سلاحلی قوه‌لرینین ماداگیز یاشاییش منطقه‌سین‌ده یئرلشه‌ن حربی حیصه‌لرین‌دن بیرین‌ده قاراباغدان و ارمنیستاندان حربی خیدمته چاغیریلان حربی قوللوقچولار آراسیندا نؤوبتی مناقیشه باش وئریب.

رئپورت خبر وئریر کی، بو باره‌ده ائرمنیستان سلاح‌لی قوه‌لرینین داغلیق قاراباغداکی ایشغالچی بؤلمه‌لریندن بیرینده خیدمت ائد‌ن حربی قوللوقچونون آناسی لیانا شاهرامانیان آدلی ارمنی سوسیال شبکه ایستیفاده‌چیسی اؤز فیسبوک صحیفه‌سینده پایلاشیب.

معلوم اولوب کی، ایروان حربی کومیسسارلیغیندان حربی خیدمته چاغیریلمیش ۱۹۹۴-جو ایل تولدلو واناند خاچاتوریان و ۱۹۹۶-جی ایل تولدلو ائریک هاروتونیان قاراباغدان اولان حربی قولوقچولار طرفیندن دؤیولدوکدن سونرا آغیر وضعیتده حربی هوسپیتالا یئرلشدیریلیبلر.

بوندان علاوه، محض ارمنیستان و قاراباغ ارمنیلری آراسینداکی مناقیشه زمینده هادروتدا (خوجاوند) یئرلشن حربی حیصه‌لردن بیرین‌ده اصلا ارمنیستاندان اولان ظابط تابعلیینده‌کی امرلری ایجرا ائتمدیی اوچون یئرلی ساکین، مقاویله اساسیندا خیدمت کئچن کیچیک چاووشو فیزیکی ایشگه‌نجه‌یه معروض قویوب.

باش وئرن حادثه‌لرین یئرینده آراشدیریلماسی مقصدی ایله پولکوونیک شاکاریانین رهبرلیگی ایله کومیسییا اؤن خطه گلیب.