مستقیل کوردستان یاخین شرق‌ده یئنی تهدیدلره گتیریب چیخاراجاق.

بو سؤزلری آخار. آذ-آ سیاسی آنالیتیک ووقار زیفر اوغلو دئییب.

آنالیتیک کوردیستانین یارادیلماسی ایدئیاسینا بؤلگه دؤولتلرینین مناسیبتلرینین مثبت اولمادیغینی دئییب:

«بو، تکجه تورکییه، ایران و اعراقا عایید دئییل، عینی زاماندا عرب اؤلکه‌لرینی ده بورایا شامیل ائتمک اولار. دوغرودور، کورد مختار ایدارئتمه‌سینه عربلر سون زامانلار مثبت یاناشیردیلار. بونون اساس سببی ایسه عربلرین اصلینده تهرانین نظارتینده اولان بغداد و دمشقه تضییق گؤسترمه‌سی‌دیر».

زیفر اوغلونون سؤزلرینه گؤره، مستقیل‌لیک کوردلره چوخ باها باشا گله‌جک:

«کوردوستانین مستقیللیینین بؤیوک پروبلملره یول آچاجاغی ایندیدن معلومدور. بو پروبلملر سیراسیندا اساس یئری عراقین اراضی بوتؤولویونون پوزولماسی، بؤلگه دؤولتلرینین، خصوصیله، اهالی‌سی آراسین‌دا کورد خالقینین دا یاشادیغی اؤلکه‌لره قارشی گله‌جک‌ده معین تهدیدلرین یارانماسی توتور. اساساً ده تورکییه، ایران و سورییا بو تهدیدلرله داها چوخ اوز-اوزه قالاجاق. کوردوستان بیر دؤولت اولاراق اونو قبول ائتمه‌یه‌جک اؤلکه‌لرله احاطه‌لنه‌جک و بو، دوغرودان دا هاراداسا ایسرایلین تالعیینی یاشاماق کیمی بیر شئی اولاجاق. کوردوستان لاییحه‌سی ایسرایل باخیمیندان آمریکا اوچون سون درجه اؤنملی‌دیر. عراق کوردستانی ایسرایل اوچون آرتیق عراق، سورییا و ایران اوزرینده بیر نظارت مخانیزمیدیر. عمومیتله، ایسرایل دؤولتی عرب بلوکاداسینا قارشی – مصر و ایوردانییا خاریج - همیشه بیر متفیق آراییشیندا اولوب. بو باخیمدان عراق‌داکی کورد وارلیغی اؤنملی فاکتوردور. بوندان علاوه ایسرایل عراق‌داکی کوردلرله درین و ساغلام مناسیبتلره مالیکدیر. مثلاً، بارزان و آکراداکی «یهودی کوردلرله» برزانی عائله‌سینین سون درجه یاخین مناسیبتلری وار. همچینین ایسرایلین قورولوشوندا و ائلجه ده ۱۹۶۷-جی ایل محاربه‌سیندن سونرا یهودیلرین ایسرایله کؤچونده کوردلرین بؤیوک دستیی اولوب».

قید ائدک کی، عراق کورد مختار ویلایتی سنتیابردا مستقیل‌لیکله باغلی رفرندوم کئچیرمک ایستییر. آرتیق تورکییه، ایران و عراق بو رفرندوما قارشی اولدوغونو بیلدیریب. ایران و تورکییه یئنی کورد دؤولتینین بؤلگه‌ده یالنیز آمریکانین ماراقلارینی تعمین ائدجیینی آچیقلاییب. اوسته‌لیک، تورکییه‌ده‌کی بعضی پارتییالار کوردوستانین ایکیجی ایسرایل لاییحه‌سی اولدوغونو وورغولاییبلار.