آنا صحیفه سیاست |
آمریکانین روسییایا قارشی یئنی سرت اقتصادی سانکسییالار تطبیق ائتمهسی بو اؤلکهنین جنوبی قفقازداکی فورپوستوندا ناراحاتلیق و ممنونلوقلا قارشیلانیب. بعضیلری بو سانکسییالارین ارمنیستانین خیرینه اولاجاغینی دوشونور. لاکین ارمنیستان خاریجی ایشلر ناظرینین کئچمیش معاوینی، فؤوهلاده و صلاحیتلی سفیر آرمان ناواساردیان دئییر کی، آمریکانین تطبیق ائتدیی سانکسییالاردان سونرا ایروانین ایشی چتین اولاجاق. چونکی ارمنیستان آمریکا و روسییا آراسیندا مانور ائده بیلمهیهجک.
ویرتوالاز. اورگ خبر وئریر کی، ناواساردیان ژورنالیستلرله صحبتینده آمریکانین دونیادا اقتصادی پلاندا لیدرلیک ائتدیینی، حربی پلاندا ایسه روسییانین آمریکا ایله بیر سوییهده اولدوغونو دئییب. ارمنی دیپلوماتین سؤزلرینه گؤره، سویوق محاربهدن سونرا روسییا چؤکموشدو، آنجاق ولادیمیر پوتین اؤلکهنی بو وضعیتدن چیخاردی، حربی باخیمدان آمریکا ایله عینی سوییهیه قالدیردی. بو ایسه آمریکانین اوریینجه دئییل.
ناواساردیانین فیکرینجه آمریکانین سیاستی بیرباشا پوتینه قارشی یؤنلیب، بو، بعضی ارمنی دایرهلرینده ده مشاهده اولونور. ارمنی دیپلمات حساب ائدیر کی، پوتین گئتسه ارمنیستان ایندیکی گونونه شوکور ائلملی اولاجاق.
«چوخلارینی پوتین چکیندیریر. تورکییه مسئلهسینده، قاراباغ مسئلهسینده و بیر چوخ دیگر مسئلهلرده. ندیر، یوخسا سیز حساب ائدیرسینیز کی، مسکوادا آنجاق مستثنی اولاراق ارمنی یؤنوملو سیاسی خادیملر اوتوروبلار؟ خیر، اورادا تورکییهنین، آذربایجانین ده خیلی مدافعهچیلری وار. اونا گؤره ده پوتین گئتسه بیز ایندیکی گونوموزه شکور ائلملی اولاجاغیق»-آرمان ناواساردیان بیلدیریب.
تاریخ
2017.08.01 / 19:53
|
مولف
Axar.az
|