ایران-آذربایجان علاقه‌لرینین اینکیشافیندا علم اوجاقلارینین رولو بؤیوکدور.

آخار. آذ خبر وئریر کی، بو سؤزلری تبریز اونیوئرسیتئتینین رکتورو پروفسور محمدرضا پورمحمدی آذرتاج-آ موصاحیبه‌سینده دئییب.

پروفسور قئید ائدیب کی، تبریز اونیوئرسیتئتی آذربایجانین بیر سیرا تحصیل اوجاقلاری ایله یاخین علاقه‌لر ساخلاییر. باکی دؤولت اونیوئرسیتئتی، ناخچیوان دؤلت اونیوئرسیتئتی و خزر اونیوئرسیتئتی ایله طلبه و معلم موبادیله‌سی آپاریلیر، بیرگه علمی کونفرانسلار و سیمپوزیوملار کئچیریلیر.

محمدی دئییب کی، هر ایکی اؤلکه‌نین پرئزیدنتلری سیاسی ایراده نوماییش ائتدیره‌رک دؤولت لر آراسینداکی موناسیبت لرین اینکیشافینا نایل اولوبلار. قارشیلیقلی علاقه‌لرین پرسپکتیوینین یاخشی اولماسی هر ایکی خالقین منافعینه جاواب وئریر. علم و تحصیل موسسه لری ده دؤولت باشچی لارینین سیاسی خطینه دستک وئره‌رک بو ساحه‌ده‌کی علاقه‌لری گئنیشلندیرمه‌یه چالیشمالیدیرلار.

رهبرلیک ائتدیی اونیوئرسیتئت حاقیندا معلومات وئره‌ن رکتور بیلدیریب کی، ۷۰ ایل فعالیت گؤستره‌ن تحصیل اوجاغیندا حاضردا ۲۴ مین طلبه تحصیل آلیر. اونیوئرسیتئتده حقوق، اقتصادیات، تاریخ، ادبیات، بین الخالق موناسیبت لر و دیگر فاکولته‌لر فعالیت گؤستریر. تبریز اونیوئرسیتئتینده ۸۰۰ معلم چالیشیر کی، بونلارین دا ۶۰۰-دن چوخونون علمی درجه‌سی وار. تهران اونیوئرسیتئتیندن سونرا ایرانین ۲-جی بؤیوک اونیوئرسیتئتی اولان تبریز اونیوئرسیتئتی هر ایل موختلیف ساحه‌لر اوزره پشه کار کادرلار حاضیرلاییر.