بیرلشمیش میلتلر تشکیلاتی باش کاتیبی آنتونیو قوتررش تشکیلاتین ۲۰۱۸-جی ایل اوچون فعالیتینین ۱۲ اساس ایستیقامتینی آچیقلاییب.

رپورت خبر وئریر کی، آ. قوترریش باش آسسامبلئیا عضولرینه مراجعتینده باش کاتیب وظیفه‌سینده ایشلدیی ایل عرضینده بشریتین صولحه دوغرو آددیم آتمادیغینی خاطیرلادیب.

اونون سؤزلرینه گؤره، اوزرینده مشغول اولماق لازیم گله‌جک اساس پروبلملر یاخین شرقده‌کی موناقیشه‌لرین و آوروپاداکی "دوندورولموش" موناقیشه‌لرین نیظاملانماسی، میانما و بانگلادش‌ده قاچقینلارین پروبلملرینین حلی، ائله جه ده کورئیا یاریماداسینین نووه سلاحلاریندان تمیزلنیلمه‌سی‌دیر.

آ. قوترریش آوروپادا موناقیشه‌لری "دوندوران" "ایفلیج" سون قویماغا دایر چاغیریش ائدیب. اونون سؤزلرینه گؤره، قیته اؤلکه‌لری بو پروبلملری آرادان قالدیرماق اوچون لازیم اولان "آچارلار"آ مالیک‌دیر.

"مؤوجود وضعیتلری حل ائتمک اوچون تهلوکه‌لی میللتچیلیک دالغاسینا مقاومت گؤسترمک و مووافیق واسطه‌چی تشببوسلری، او جمله‌دن نورماند فورماتینی و شرقی اوکراینا اوزره اوچطرفلی کونتاکت قروپونو، داغلیق قاراباغ اوزره آتت-این مینسک قروپونو، گورجوستان اوزره جنئوره بین الخالق موذاکیره‌لرینی و "دنئستریانی اوزره ۵+۲" پروسسینی جانلاندیرماق لازیمدیر.