روسییا پرزیدنتی ولادیمیر پوتین سون چیخیشین‌دا آمریکا ایله یاناشی ایرانی دا تنقید ائتدی.

Axar.az خبر وئریر کی، بو فیکیرلر «آتلاس» آراشدیرمالار مرکزینین تحلیلین‌ده اؤز عکسینی تاپیب. بیلدیریلیب کی، روسییا پرزیدنتینین سون چیخیشین‌دا دئدیی سؤزلر بیر سیرا واجیب مقاملاردان خبر وئریر:

«آمریکانین دؤولت کاتیبی مایک پومپئونون روسییایا سفرینی بئله ایضاح ائد‌نلر تاپیلدی کی، ایران مسئله‌سین‌ده واشینگتنلا مسکوا آراسین‌دا راضی‌لیق مومکون‌دور. پوتین قید ائتدی کی، روسییا هر زامان ایرانی مدافعه ائده بیلمز. پوتین حتی بئله بیر ایفاده ده ایشلتدی کی «روسییا یانغین سؤن‌دوره‌ن دئییل کی، هر یئره اؤزونو چاتدیرسین». روسییا لیدری هارداسا حاقلی‌دیر. سورییادا تهلوکه یارانیر، بشار اسد رژیمی روسییانی کمکه چاغیریر، ونزوئلادا چئوریلیشه جهد اولونور، پرزیدنت نیکولاس مادورو روسییایا مراجعت ائدیر، ایندی ده تهران روسییادان دستک ایستییر. پوتین روسییانین هر یئرده آمریکا و دیگر اؤلکه‌لرله توققوشماقدان یورولدوغونو دئمک ایستییر. چونکی بو حال‌دا هم روسییایا قارشی سانکسییالار سرتلشیر، هم ده روسییا انرژی‌سینی و پولونو کناردا خرجله‌مک مجبوریتین‌ده قالیر. حالبوکی، بو انرژینین و پولون داخیل‌ده خرجله‌نمه‌سینه و درین اقتصادی و سوسیال پروبلملرین حلینه احتیاج وار».

تحلیل‌ده روسییا پرزیدنتینین ایرانین نووه راضیلاشماسین‌دان چیخماسی باره‌ده سؤیلدیکلرینه ده دقت چکیلیب:

«روسییا پرزیدنتی ایرانین نووه آنلاشماسیندان چیخماماسینین واجیبلیینی بیلدیردی. حالبوکی ایران پرزیدنتی حسن روحانی آمریکانین سیاستی دییشمه‌سه، ایرانین ایکی آی عرضین‌ده نووه راضیلاشماسین‌دان چیخاجاغینی دئییب. بو یاناشما آوروپا ایله یاناشی، روسییانی دا ناراحات ائدیر. چونکی ایرانلا نووه راضیلاشماسینا آمریکا ایله یاناشی، آوروپا دؤولتلری و روسییا دا ایمضا آتیب».

تحلیل‌ده پوتینین سسلندیردیی فیکیرلره باخمایاراق، روسییانین آمریکانین ایرانا قارشی سانک‌سییا سیاستینی قبول ائتمدیی وورغولانیب:

«آمریکانین ایرانی وورماسی اوچون روسییانین راضی‌لیغینا احتیاجی یوخدور. چونکی کرئمل هئچ واخت ایرانین وورولماسی اوچون آمریکا ایله آچیق و یا گیزلی راضیلاشمایا گئتمز. واختیله روسییا بشار اسده محض اونا گؤره حربی دستک وئردی کی، بو اؤلکه‌ده حاکمیت دییشیک‌لیگی آمریکاین ایستدیی شکیل‌ده باش وئرمه‌سین. آمریکا ایله روسییانین ماراقلاری فرق‌لیدیر. اونا گؤره ده بوتون دیگر مسئله‌لرده اولدوغو کیمی ایران مؤوضوعسون‌دا دا واشیگنتنلا موسکوا آراسین‌دا رازیلاشما مومکون دئییل. ایرانا قونشو اولان هئچ بیر اؤلکه بؤلگه‌ده تلاطم و محاربه ایستمز. روسییا دا بو مؤقع‌دن چیخیش ائدیر. ایران‌دا حاکمیت دییشیک‌لیگی روسییانین ماراقلارینا جاواب وئرمیر. بیر آنلیغا تصور ائدین کی، ایران‌دا شاه رژیمی برپا ائدیلدی، کئچمیش‌ده اولدوغو کیمی پهلوی سلاله‌سی آمریکانین بوتون تاپشیریقلارینی یئرینه یئتیرمه‌یه باشلادی. روسییا قونشولوغون‌دا آمریکایا متفیق دؤولتین فورمالاشماسینا راضیلاشماز».