«ایران دونیانین دقت مرکزین‌ده‌دیر. ایران پرزیدنتی حسن روحانی آمریکانین کئچمیش پرزیدنتی باراک اوباما ایله نووه سازیشی ایمضالایاندا پروبلملرین حل اولوندوغونو دوشونوردو. حسن روحانی ایرانی سانکسییالاردان قورتاریب اینکیشاف ائتدیرمک ایستییردی، آلینمادی».

آخار. آذ خبر وئریر کی، بونو ایرانا سفر ائد‌ن پولیتولوق ائلخان شاهینوغلو دئییب.

اکسپرتین فیکرینجه، آمریکا پرزیدنتی سئچیله‌ن دونالد ترامپ حسن روحانینین بوتون پلانلارینی پوزدو:

«آمریکا نووه سازیشین‌دن چیخ‌دی و ایرانا قارشی یئنی سانک‌سییالار تطبیق ائتدی. ایندی ایرانین اؤزون‌ده حسن روحانینی قینایانلار وار کی، نیه او، واشینگتونلا سازیش ایمضالادی و بو جور آلدان‌دی. بؤلگه‌ده وضعیت گرگین‌دیر، هؤرموز بوغازین‌دا نفت تانکئرلرینه هوجوملار اولوب، ایران آمریکانین پیلوت‌سوز طیاره‌سینی ووروب».

پولیتولوق حساب ائدیرکی، ایران‌دا آمریکانین و ایسرایلین هر ایشه قاریشدیغینی، حتی گورجوستانی دا واشینگتونون قاریشدیردیغینا اینانیرلار:

«حتی دیپلوماتلاردان بیری بئله بیر فیکیر ده سؤیله‌دی کی، بؤلگه‌ده ایشید ترورونون یارادیلماسینین و «کؤنول‌لولر» حسابینا چوخالماسینین آرخاسین‌دا آمریکا و ایسرایل دایانیر. ایران‌دا روسییانین سیاستی حاقین‌دا منفی هئچ نه ائشیتمدیم. حالبوکی، جنوبی قافقازداکی پروسئسلره روسییانین تأثیر ایمکانلاری بؤیوکدور، نینکی آمریکا ایله ایسرایلین.

ایران‌دا ائشیتدیکلریمدن و موشاهیده‌لریمدن گلدییم قناعت بودور کی، ایرانا رهبرلیک ائد‌نلر مؤوجود وضعیت‌دن چیخیش یوللاری آختاریرلار. اونلار اونو دا آنلاییرلار کی، نفت ساتیشی آزالدیقجا ایرانین گلیرلری آزالاجاق. تهران‌دا اونو دا بیلیرلر کی، بعضی دؤولتلر و بو دؤولتلرین شیرکتلری سانکسییالار اوجباتین‌دان ایرانلا امکداشلیغی گئنیشلندیرمه‌یه ریسک ائتمیرلر. بیر چوخ دؤولت توریزمه واجیب گلیر منبیی کیمی باخیر. آنجاق تهران‌دا و ایرانین باشقا شهرلرین‌ده توریستلر گؤزه دیمیر. مثلاً، روسییا ایرانین اساس طرفداشلاریندان بیری اولسا دا، تهران‌دا روسییالی توریست گؤرمدیم. ایران حاکمیتی داخیلی توریزمین تشویقینه فیکیر وئریر. ایران شهرلرینده‌کی تاریخی موزئیلرده یالنیز ایران وطنداشلارینی گؤرمک اولار. هر یئرده اولدوغو، کیمی ایران‌دا دا گنجلر آراسین‌دا ایشسیزلیک حاللارینا راست گلینیر. اونا گؤره ده اهالینین بیر حیسه‌سی ایش دالینجا پایتاختا تهرانا آخیشیر».

ائلخان شاهینوغلو وورغولاییب کی، سانکسییالار هم ایرانا ضرر وورور، هم ده بؤلگه‌ده گرگین‌لیگی آزالتمیر: «ترامپ هرانلا دیالوق ایستییر. آنجاق ایرانین عالی دینی لیدری دیالوقون علیهینه‌دیر. چونکی، تهران‌دا دوشونورلر کی، بیر دفعه گذشته گئدیب آمریکا ایله سازیش ایمضالادیلار، آنجاق آلدان‌دیلار. اونا گؤره ده ایکینجی دفعه آلدانماق ایستمیرلر. هم ده ایرانین حاضیرکی رژیمی آغ ائو آدمینیستراسییاسینین ایستیینه گؤره نه بشار اسد رژیمینه و یا «حزبوللاه» کیمی قروپلاشمالارا دستکدن واز کئچه‌جک، نه ده کی ایسرایل دؤولتینین وارلیغینی قبول ائد‌جک. ایرانین و گرگینلیین آزالماسینی ایسته‌یه‌نلرین آرزوسو اودور کی، دونالد ترامپ نؤوبتی پرزیدنت سئچکی‌سینده مغلوب اولا و اونون یئرینه گلن هئچ اولماسا، باراک اوبامانین خارجی‌سی سیاستینی داوام ائتدیره. بو ایسه ساده‌جه آرزودور».

قید ائدک کی، ائلخان شاهینوغلو ایران‌دا بو اؤلکه‌دن اولان دپوتاتلار و ایرانین آذربایجان‌داکی کئچمیش سفیری محسون پاک آیینله گؤروشوب.