آنا صحیفه سیاست |
اؤتن گون ایران پرزیدنتی حسن روحانی آذربایجان پرزیدنتی ایلهام علیئوه زنگ ائدیب.
حسن روحانی آذربایانلا ایران آراسیندا دوستلوق و قارداشلیق علاقهلرینین اولدوغونو بیر داها بیان ائدیب. تلفن دانیشیغی زامانی ایران پرزیدنتی ایکیطرفلی مناسیبتلرین اینکیشافی اوچون گؤستریلهن سعیلره بؤیوک اهمیت وئردیینی آچیقلاییب. «خوشبختلیکدن بیز امکداشلیغیمیزین مثبت اینکیشافینی گؤروروک»، - دئیه ه. روحانی بیلدیریب.
او، همچینین ایران و آذربایجان حاکمیتی و ناظیرلرینین سفر مبادیلهسینین علاقهلرین گئنیشلندیریلمهسینده تأثیرلی اولدوغونو و راضیلاشمالارین حیاتا کئچیریلمهسی پروسسینین سورعتلنجیینه اومید ائتدیینی بیلدیریب. "آذربایجان رسپوبلیکاسی ایران اوچون هر زامان دوست و قارداش بیر اؤلکه اولوب و ایکی اؤلکه آراسینداکی بو دوستلوق داها دا درینلشهجک"، - دئیه حسن روحانی قید ائدیب. "ایران-آذربایجان مناسیبتلری و امکداشلیغی آرتیر، بو، تهران ایله باکینین داواملی و مسئولیتلی سعیلرینین نتیجهسیدیر»، - دئیه اؤز نؤوبهسینده آذربایجان پرزیدنتی ایلهام علیئو بیلدیریب.
تاریخ
2019.08.14 / 17:15
|
مولف
آیتاج آراز
|