قاراباغ آذربایجان‌دیر. بو مؤقع دییشمه‌ییب و دییشمیر.

آخار. آذ خبر وئریر کی، بونو «Media.az»آ آچیقلاماسین‌دا نیکول پاشینیانین قاراباغین ارمنیستان اراضی‌سی اولماسییلا باغلی سون آچیقلاماسینی شرح ائد‌ن گرجوستانین ائکس-پرزیدنتی میخایل سااکاشویلی دئییب.

«قاراباغ آذربایجان‌دیر. بوتون دونیا بئله حساب ائدیر. بو مؤقع دییشمه‌ییب و دییشمیر. بیر داها تکرار ائدیره‌م کی، بوتون دونیا آذربایجانین اراضی بوتؤولویونو دستکلییر. ایکینجی‌سی، بو مسئله‌نین قافقازدا یئنی محاربه‌یه گتیریب چیخارمایاجاغینا اومید ائدیره‌م»، - او بیلدیریب.

گرجوستانا گئری دؤنوب-دؤنمیجیی ایله باغلی سوالی جوابلارکهن سااکاشویلی اؤلکه‌سینه دؤنمک ایستدیینی، اما وطنداش قارشی‌دورماسین‌دان قاچماق اوچون بو آددیمی آتمادیغینی دئییب:

«سیز آنلامالیسینیز کی، ایندی گورجوستان‌دا نورمال دموکراتییا یوخ‌دور. بو گئری دؤنوش ائله ده آسان دئییل. من ممنونیتله گئری دؤنردیم، اما مومکون قان آخیدیلماسیندان، دیگر دؤولتلرین بیرباشا حربی موداخیله‌سین‌دن قاچماق ایستییرم. من اولیقارخدان (بیدزینا ایوانیشویلی نظرده توتولور) قورخمورام».