آنا صحیفه سیاست |
عراقدا ایرانا باغلی شیعه سلاحلی قروپلاشماسی «هشدی شعبی»نین بازالارینا ایسرایل حربی هاوا قوهلری طرفیندن ائندیریلدیی تخمین ائدیلهن ضربهلردن سونرا قروپلاشمانین لیدرلریندن ابو مهدی مهندیس او جملهدن آمریکانی گوناهلاندیران یازیلی بیاناتلا چیخیش ائدیب.
آخار. آذ خبر وئریر کی، ابو مهدی مهندیس «هشدی شعبی» قروپلاشماسینین بازالارینا هاوا ضربهلرینین ائندیرلمهسینده ایسرایله عایید پیلوتسوز طیارهلردن ایستیفاده اولوندوغونو بیلدیریب. مهندیس ادعا ائدیب کی، همین پیلوتسوز طیارهلرین هارادان قالخدیغینا، اوچوشلارینا و آپاردیغی عملیاتلارا دایر بوتون معلوماتلار الیندهدیر.
خبر وئریلدیی کیمی سونونجو دفعه «هشدی شعبی»نین بغداد و صلاح الدین بؤلگهسی آراسیندا، عراق حربی هاوا قوه لرینین حربی حیصهسینین اراضیسینده یئرلشن سورسات آنبارلارینا و بازاسینا نامعلوم طیارهلر طرفیندن راکت ضربهلری ائندیریلیب. نتیجهده آنباردا ساخلانیلان و ایراندان گؤندریلهن چوخسایلی راکتلر پارتلاییب، قروپلاشما عضولری و ایرانین اینقیلاب کئشیکچیلری کورپوسونون تعلیماتچیلاری آراسیندا اؤلنلرین اولدوغو بیلدیریلیر.
همین ضربهلرین ایسرایل طرفیندن اف-۳۵ قیریجیلاری و ضربه پیلوتسوز طیارهسی طرفیندن ائندیریلدیی تخمین ائدیلیر. بوندان اول ده عراقداکی ایران یؤنوملو قروپلاشمالارین بازالارینا هاوا هوجوملاری اولموشدو و همین هوجوملاری ایسرایلین حیاتا کئچیردیی احتیمال اولونور. ایسرایل باش ناظری بنیامین نتانیاهو اؤتن گون بغداد اطرافینداکی پارتلاییشلاردا اونون اؤلکهسینین الینین اولدوغونو اینکار ائتمهییب. بیلدیریب کی، ایران هئچ یئرده توخونولماز دئییل و ایسرایل لازیم اولان آندا ایستهنیلهن مکاندا ایراندان قایناقلانان تهدیدین قارشیسینی آلاجاق.
ابو مهدی مهندیسین آدیندان یاییلمیش سرت بیاناتدا گؤستریلیر کی، «شعدی شعبی» قروپلاشماسی اونون بازالارینا ائندیریلمیش ضربهلره گؤره قیصاص آلاجاق.
«دوننکی هوجوم (آوقوستون ۲۰-i نظرده توتولور،-رئد.) ایسرایل پیلوتسوز طیارهلری و ایسرایلین عراقدا عملیات کئچیرمهسینه ایمکان یارادان بیرلشمیش ایشتاتلار طرفیندن حیاتا کئچیریلیب. بیز بازالاریمیزا قارشی هوجوملارا ان معاصر سلاحلار دا تطبیق ائتمکله جاواب وئرجییک»،-ابو مهدی مهندس بیلدیریب.
مهندسین ادعا ائتدیینه گؤره هوجوملار زامانی آمئریکالیلار بوتون دیگر طیارهلرین، او جملهدن ایراق حربی هاوا قوهلرینین طیارهلرینین الکترون سیستملرینی بوغور.
«عراقین دوشمهنلری «هشدی شعبی» قوهلرینی موختلیف یوللارلا هدف آلماغا چالیشیرلار. ایراقا و بؤلگهیه ترور قروپلارینی گتیرهن آمریکا عراقین سوورنلیینی پوزماقدا داوام ائدیر و «هشدی شعبی»نی وورماق اوچون بوتون یوللارا ال آتیر. هابئله عراق هاوا ساحهسینده آمریکا طیارهلرینین اوچوش ساعتلاری، هارادان قالخیب هارا ائندیکلری حاقدا معلوماتلار الیمیزدهدیر. همین طیارهلر ایشید-ی تعقیب ائتمک عوضینه بیزی ایزلییر»،-بیاناتدا دئییلیر.
«هشدی شعبی» عراقدا ایشید-ا قارشی دؤیوشن گوجلو شیعه قروپلاشماسیدیر. بو قروپلاشما ایشید-این پایتخت بغدادا دوغرو ایرلیلهمهسینین و شهری اله کئچیرمهسینین قارشیسینی آلان اساس قوه ساییلیر. و عراقدا او جملهدن حکومت اوزرینده بؤیوک تأثیر ایمکانلارینا مالیکدیر. مهندس اؤزو ایسه واختیله عراقدا آمریکا اوردوسونا قارشی دؤیوشوب. اونون بیاناتینین عراق تهلوکهسیزلیک قوهلری ایله راضیلاشدیریلمادیغی بیلدیریلیر. بو دا قروپلاشمانین عراقدا هانسی گوجه مالیک اولدوغونو گؤستریر.
تاریخ
2019.08.22 / 16:37
|
مولف
Axar.az
|