دیرلی دوستوم ایلهام الیئوین دئدیی کیمی «بیر میللتین ایکی دیاسپورو اولماز». بیز قازاخ، اؤزبک، تورکمه‌ن، آذربایجان‌لی، قیرغیز، تاتار، آخیسکا، چئچئن – بوتون قارداشلاریمیزا تورک دیاسپورونون عضوو کیمی باخیریق.

آخار. آز خبر وئریر کی، بو سؤزلری باکی‌دا تورک شوراسینین ۷-جی زیروه توپلانتی‌سین‌دا چیخیشی زامانی تورکییه پرئزیدئنتی رجب تایییب اردوغان دئییب.

«خاریجه گئدن اینسانلاریمیز آراسین‌دا آرتیق ساده‌جه ایشچیلر دئییل، هکیملر، سیاست‌چیلر، آکادئمیکلر، نازیرلر، حتی بلدییه صدرلری ده وار»، - اردوغان بیلدیریب.

تورکییه لیدئری قئید ائدیب کی، آذربایجان و تورکییه نه قدر گوج‌لو اولارسا، خاریج‌ده‌کی سویداشلاریمیز دا بیر او قدر گوج‌لو اولاجاق.

رجب تایییب اردوغان بیلدیریب کی، تورکییه «سوله چئشمه‌سی» عملیاتی ایله سورییا سرحدین‌ده‌کی تئررورچولاری محو ائد‌رک اؤلکه‌ده‌کی میقرانتلارین اؤز وطنلرینه قاییتماسی اوچون تهلوکه‌سیز شرایط یاراداجاق. تورکییه بو عملیاتلاری بوتون تضییقلره باخمایاراق، سونا قدر داوام ائتدیره‌جک. باش‌دا آذربایجان اولماقلا، «سوله چئشمه‌سی» عملیاتین‌دا یانیمیزدا اولان هر کسه تشککور ائدیره‌م.

اردوغان گؤروشو تشکیل ائد‌نلره تشککور ائدرکه‌ن بیلدیریب:

"ایندی بیز آلتی دؤولت، تک میللتیک".