آنا صحیفه سیاست |
آذربایجانین ایشغال اولونموش اراضیلرینده یارادیلمیش قوندارما رژیم طرفیندن اوکتیابرین ۱۱-ده تشکیل ائدیلن معلوم تدبیرده روسییا فدراسییاسی دؤولت دوماسینین ام د ب ایشلری، آوراسییا اینتئقراسییاسی و سویداشلارلا علاقهلر اوزره کمیتهسی صدرینین بیرینجی معاوینی کونستانتین زاتولینین ایشتیراکی ایله علاقدار روسییا خاریجی ایشلر ناظیرلیینه آذربایجان طرفینین ناراحاتلیغینی ایفاده ائدن رسمی نوتا گؤندریلیب.
آذربایجانین روسییاداکی سفیرلییندن آخار. آذ-آ بیلدیریبلر کی، نوتادا سئپارامچیلیغی آچیق شکیلده دستکلهیهن کونستانتین زاتولینین قید ائدیلهن تدبیرده اؤلکهمیزین سوورنلیینه و اراضی بوتؤولویونه قارشی سسلندیردیی نؤوبتی تخریبات کاراکترلی بیاناتلارینا و آذربایجان رسپوبلیکاسی ایله روسییا فدراسییاسی آراسیندا یوکسک سوییهلی امکداشلیغا خلل گتیرن چیخیشلارینا روسییا طرفیندن مناسیبتین بیلدیریلمهسی، همچینین روسییالی میلت وکیلین ایشغال آلتیندا اولان اراضیلره هانسی قیسیمده سفر ائتمهسی و سؤزوگئدن سفرین کیمین طرفیندن مالیه لشدیریلمهسی ایله باغلی معلوماتین دقیقلشدیریلمهسی خواهیش ائدیلیب.
بوندان علاوه، نوتادا کونستانتین زاتولینین متمادی شکیلده ارمنیستان-آذربایجان داغلیق قاراباغ مناقیشهسینین حلی ایله باغلی روسییانین سیاسی مؤقعینه ضد اولان فیکیرلر ایرلی سورمهسینه، تاریخی فاکتلاری آچیق شکیلده تحریف ائتمهسینه، ارمنیستانین آپاردیغی ایشغالچیلیق سیاستینه براعت قازاندیرماق جهدلرینه موافیق قیمتین وئریلمهسینین واجیبلیگی وورغولانیب، اونون بیر میلت وکیلی کیمی اؤز سؤزلرینه و حرکتلرینه گؤره مسئولیت داشیمالی اولدوغونا دقت چکیلهرک روسییا خاریجی ایشلر ناظیرلییندن لازیمی تدبیرلرین گؤرولمهسی رجا ائدیلیب.
تاریخ
2019.10.15 / 22:38
|
مولف
Axar.az
|