آنا صحیفه سیاست |
تورکییه سلاحلی قوهلرینین سورییادا حیاتا کئچیردیی «صولح چئشمهسی» عملیاتی زامانی تورک اوردوسونا قارشی دؤیوشن ارمنی عسگرلرین فوتولاری یاییلیب.
آخار. آذ خبر وئریر کی، فوتولاری حاضردا ایستانبولدا یاشایان جیهون آشیروو پایلاشیب.
او بیلدیریب کی، سورییادا بیر حیصهسی سورییا ارمنیسی، بیر حیصهسی ایسه ارمنیستان ارمنیسی اولان ۱۰۰۰-ا یاخین ترورچو وار:
«بو آلای پ.کا.کا قروپلاشماسینین ترکیبینده یئر آلاراق، مقصدلرینه اویغون حرکت ائتمکدهدیر. بیر دیگر مقصدلری ایسه قاراباغدا گئرچکلشهجک مومکون حربی عملیات اوچون حاضیرلاشماق و حربی عملیات تجروبهلرینی آرتیرماقدیر».
قید ائدک کی، قروپلاشمانین آدی نوبار اوزانیاندیر. ارمنیلر همین قروپلاشمانی بو ایلین آپرئل آییندا یارادیبلار.
خاطیرلاداق کی، اوزانیان ۲۰۱۷-جی ایلده ایشید طرفیندن سورییادا محو ائدیلیب. یوزقات شهرینده دوغولان اوزانیان ایستانبولدا تحصیل آلیب. او، ایستپان شاومیان و لنینین اثرلرینی تورک دیلینه چئویریب. ۱۹۸۸-۱۹۹۰-جی ایللرده فیلیسطینده فعالیت گؤسترهن اوزانیان ۱۹۹۱-۱۹۹۲-جی ایللرده قاراباغدا ارمنی سپاراتچیلارینین طرفینده دؤیوشوب. ۲۰۱۴-جو ایلده شیمالی عراقا گلن ارمنی سپاراتچی ۲۰۱۵-جی ایلده سورییاداکی کوردلرین سیرالارینا قوشولوب. بورادا «اورخان باکیرچییان» لقبی ایله تانینان سئپاراتچی ائرمهنی و عرب اصیللی سپاراتچیلارین حاضرلیغی ایله مشغول اولوب.
تاریخ
2019.10.17 / 18:50
|
مولف
Axar.az
|