عراق‌داکی آمریکا اوبیئکتلرینه ایرانین ائندیردیی راکت ضربه‌لرین‌دن ۱۰-او عین-الاسد بازاسینا دوشوب. بو آرتیق محاربه‌نین باشلانیلماسی اوچون بیر سبب‌دیر.

آخار. آذ خبر وئریر کی، بو فیکری روسییالی سیاسی ایجمال‌چی کامران حسنوو سسلندیریب.

اونون سؤزلرینه گؤره، آلتی عدد ب-۵۲ بومباردمان‌چی‌سینین هیند اوکئانین‌داکی دیگو-گارسییا آداسینا گؤندریلدیینی نظره آلدیق‌دا، نؤوبتی ساعتلار عرضین‌ده ایران‌داکی بعضی اوبیکتلرین بومبالاناجاغینی سؤیله‌مک اولار.

«آمریکالیلار اؤز حرب‌چیلرینه ائدیله‌ن هوجومو جواب‌سیز قویمایاجاق»، - دئیه اجمال‌چی امین ائدیر.

«حادثه‌لر آشاغی‌داکی سناری اوزره حرکت ائد‌جک:

آمریکا ایرانین سورییاداکی و ایراق‌داکی بازالارینا جواب هجومو حیاتا کئچیره‌جک. آمریکا ایسلام اینقیلابی کئشیک‌چیلری کورپوسونون ایران‌داکی بازالارینا و یا ایرانین مدافعه ناظرلیگی کیمی اؤنملی دؤولت اوبیئکتلرینه ضربه ائندیره‌جک.

اگر ایران جواب وئرمه‌یه داوام ائتسه - بیرینجی حال‌دا اولدوغو کیمی آمریکا ایله ایران آراسین‌دا عراق اراضی‌سین‌ده محاربه باش توتاجاق، ایران طرف‌دن علاوه قوشون جلب ائدیله‌جک، آمریکا ایسه امارات، بحرین، سعودییه عربیستانی، قطر و آمریکانین اؤزون‌دن بؤلگه‌یه علاوه قوشون یئری‌ده‌جک. ایکینجی حال‌دا ایسه ایرانین اراضی‌سین‌ده هاوادان، یئردن و سودان دؤیوشلر کئچیریله‌جک»، - دئیه اکسپئرت قید ائدیب.