آمریکا، ایسرایل و یاخین متفیقلری اوکراینا سرنیشین طیاره‌سینین ایران طرفین‌دن وورولماسین‌دان ایستیفاده ائد‌جک. اونسوز دا ایرانا قارشی تجرید سیاستی آپاریلیر، سانکسییالار تطبیق ائدیلیر. یارانان بو وضعیت‌ده ایرانین بؤیوک سهوین‌دن اونون رقیبلری هرطرف‌لی ایستیفاده ائتمه‌یه چالیشاجاق.

بو فیکیرلری تلگراف. کوم-آ پولیتولوق صولح‌الدین اکبر اوکراینا هاوا یوللارینا مخصوص سرنیشین طیاره‌سینین ایران حربی هاوا قوه‌لری طرفین‌دن وورولماسینین یاراداجیغی نتیجه‌لر حاقین‌دا دانیشارکه‌ن دئییب.

مصاحیبیمیز حساب ائدیر کی، سرنیشین طیاره‌سینی وورماقلا ایران بؤیوک سهوه یول وئریب: «بو سهودن ایرانا قارشی بین لخالق حقوق نورمالارینا اویغون ایستیفاده ائدیلسه، یئترلی اولار. آنجاق طبیعی کی، سوء-ایستیفاده حاللاری دا اولاجاق. بونا قطعی شوبهه یوخ‌دور».

صولح‌الدین اکبر حساب ائدیب کی، بو حادثه‌نین سیاسی، حقوقی، اقتصادی نتیجه‌لری اولاجاق: «یعنی بو سهودن تهرانا قارشی گئن-بول ایستیفاده اولوناجاق. آرتیق بو مسئله‌ده اوکراینا حل ائدیجی فاکتور دئییل. اوکراینانین ایرانلا باریشماسی نیی حل ائدیر؟ اساس مسئله آمریکا و متفیقلرینین بو حادثه‌دن ایرانا قارشی نئجه ایستیفاده ائتمه‌سی‌دیر. اونسوز دا اوکراینانین بوتون طلبلرینی ایران طرفی یئرینه یئتیره‌جک. صحبت اوندان گئدیر کی، ایرانلا مباریزه آپاران اؤلکه‌لر و موتتفیقلرین علینه هئچ ندن گوج‌لو بهانه وئریلیب».