آمریکانین دؤولت کاتیبی مایک پومپئو آذربایجانی رسپوبلیکا گونو مناسیبتیله آمریکا حکومتینین آدین‌دان تبریک ائدیب.

آخار. آذ بو باره‌ده آمریکا دؤولت دپارتامنتینین سایتینا ایستینادا معلومات وئریر.

تبریک‌ده قید اولونور کی، آمریکا و آذربایجان ۳۰ ایل عرضین‌ده واجیب طرفداش‌لیق مناسیبتلری دستکلییر:

«بیز تهلوکه‌سیزلیک، انرژی و اقتصادی اینکیشاف، اینسان حقوق و آزادلیقلارینین مدافعه‌سی کیمی واجیب مسئله‌لرله مشغول اولوروق. بیز افغانیستان‌دا صلح‌ون برقرار اولونماسی و «جنوب گاز دهلیزی» لاییحه‌سینین رئاللاشدیریلماسی ایله آوروپانین انرژی تهلوکسیزلیینین مؤهکه‌مله‌نمه‌سی اوزره چیین-چیینه ایشلییریک. اؤلکه‌لریمیز دونیادا مهم پروبلملرین حلین‌ده امکداشلیغی داوام ائتدیریر».

م. پومپئو قید ائدیب کی، آ.ت.ت مینسک قروپونون همصدر اؤلکه‌سی اولاراق آمریکا اوولکی کیمی داغلیق قاراباغ مناقیشه‌سینین سوله یولو ایله نیظاملانماسینا صادق‌دیر:

«بو ایل کووید-۱۹ پاند‌مییاسی یئنی چاغیریشلارین یارانماسینا سبب اولسا دا، من امینه‌م کی، آذربایجان خالقی بونون عهده‌سین‌دن جسارتله و قتیتله گله‌جک. آمریکا آذربایجانین یانین‌دادیر، اؤلکه‌نین سوورنلیینی و موستقیللیینی دستکلییر».