سیاسی و حقوقی باخیم‌دان بیزیم مؤوقعیمیز موکممل‌دیر، ارمنیستانین مؤوقعیی قصورلودور. بیز اقتصادی ساحه‌ده، حربی ساحه‌ده ارمنیستان‌دان قات-قات گوجلویوک و بونو گؤسترمیشیک، او جمله‌دن دؤیوش میدانین‌دا.

آخار. آذ خبر وئریر کی، بو سؤزلری پرزیدنت ایلهام علیئو ایونون ۳-ده ترتر اولیمپییا ایدمان کومپلئک‌سی ایله تانیش‌لیق‌دان سونرا رایونون بیر قروپ ایدمان‌چی‌سی ایله گؤروشون‌ده چیخیشی زامانی بیلدیریب.

"اونلار بیزه هجوم ائتدی، بیز جواب وئریب اونلاری یئرینه اوتورتدوق. آغدره، فضولی، جبراییل رایونلارینین بیر حیصه‌سینی آزاد ائتدیک. اونلار نه ائتدیلر؟ بیزیم کندلریمیزی بومبالادیلار، باخ، بورادا، ترترده. من آپرئل دؤیوشلریندن سونرا گلیب او بومبالاری، او مرمیلری گؤرموشدوم، ائولره گئتمیشدیم. ترتر شهرینی، ترترین، آغدامین کندلرینی بومبالاییبلار. بو، فاشیزم دئییل، ندیر؟ دینج اهالییه قارشی محاربه آپاریلا بیلمز. اونلارین بیزیم اوردوموزا گوجو چاتماییب، اؤز مؤقعلرینی قویوب قاچمیش‌دیلار و نه ائتدیلر؟ دینج اهالییه قارشی گوج تطبیق ائتدیلر. حساب ائدیردیلر کی، بو، ترترلیلره، آغدام‌لیلارا تأثیر ائد‌جک. بیر نفر ده ترپه‌نمه‌دی یئرین‌دن، بیر نفر ده! اونلار بیر داها گؤردولر کی، آذربایجان خالقی بؤیوک خالق‌دیر. من آپرئل دؤیوشلریندن سونرا بورادا اولارکه‌ن بیر داها ترترلیلرین مردلیینی گؤردوم. گؤردوم کی، اونلار اؤز تورپاغین‌دان هئچ بیر یئره گئدن دئییللر. گؤردوم کی، بوتون تهلوکه‌لره باخمایاراق، اؤز تورپاغین‌دا محکم دایانیبلار. آپرئل دؤیوشلری منفور قونشوموزا درس اولمالی ایدی. اوندان سونرا ۲۰۱۸-جی ایلده ناخچیوان عملیاتی. اورادا دا مینلرله هکتار تورپاق بیزیم نظارتیمیزه کئچدی. ایشغال اولونموش تورپاقلاری آزاد ائتدیک. آذربایجان اوردوسو گوجونو گؤستردی. بیزیم گوجوموزون منبعیی آذربایجان خالقی‌دیر. ارمنیستان اوردوسونون منبعیی خاریجی اعانه‌لردیر و بونو آچیق اعتراف ائدیرلر کی، خاریجی دستک اولمادان بو اؤلکه باتاجاق، بو اؤلکه‌نین گلجیی یوخ‌دور"، - پرزیدنت قید ائدیب.