ارمنیستان و ایرانین آذربایجانا قارشی تخریبات حاضرلیغی تکجه تورکییه‌نین زلزهله‌یه گؤره دقتینین بؤلگه‌دن یایینماسیندان قایناق‌لانمیر: ممکن‌دور کی، بئله بیر تخریباتا زلزله‌دن اؤنجه قرار وئریلیب، ساده‌جه، مؤوجود وضعیتی شانس کیمی قیمتلندیریرلر؛

هرچند، تهران و ایروان‌دا دا آنلاییرلار کی، آذربایجان اوردوسو تخریباتلارا جواب وئرمک ازمین‌ده‌دیر، او جمله‌دن، میقیاسینا گؤره دهشتلی اولان زلزله‌یه باخمایاراق، تورکییه اوردوسونون پروسسلره ممکن مداخیله‌سی گئجیکمه‌یه‌جک؛

بورادا اساس مقام ارمنیستانین مقصدی و ایرانین تخریباتدا ماراقلارینین نه اولماسیدیر.

ایروانین سرحد تخریباتلارینین نیه حسابلاندیغی آیدیندیر:

- آذربایجان اوردوسونون نظارت ائتدیی ایستراتژی اراضیلرده ممکن قدر ایر‌لیله‌مک و اله کئچیرمک، بونونلا دا سرحدله باغلی دانیشیقلاردا الینی گوجلندیرمک؛

- سرحدده اسکالاسییا ایله آوروپا اتفاقینین میسییاسینین واجیبلیینی گؤسترمک، آنتی-روسییایا آقرومنتلرینی گوجلندیرمک و باکییا قارشی بین‌الخالق تضییقی گونده‌مه گتیرمک؛

لاچین یولوندا آکسییا اوزریندن آذربایجانا قارشی بین‌الخالق تضییق دالغاسینین پراکتیکی نتیجه‌لرینه نایل اولا بیلمه‌دیلر. بونون سببلریندن بیری ده بین‌الخالق حقوق‌دا قاراباغین آذربایجان اراضی‌سی کیمی تانینماسی‌دیر. سرحد تخریباتی ایله آذربایجانی «تجاووزکار» گؤسترمک امکانی داها چوخ اولا بیلر.

و ممکن تخریبات فرانسانین ارمنیستان-آذربایجان سرحدینه ژاندارما قوه‌لری گؤندرمه‌سی اوچون اساس رولونو دا اوینایاجاق. رسمی پاریس قرار وئریب، ایروان راضیلاشیب، لاکین بونو اسکالاسییاسیز حیاتا کئچیرمک روسییایا آچیق «میدان اوخوماق»دیر. بو باخیمدان، تخریباتلا «روسییا ارمنیستانین تهلوکسیزلیینی قورومور» آرگومنتینی گوجلندیرجک و آی میسییاسینین اهمیتینه، بو میسییا ترکیبین‌ده فرانسا قوه‌لرینین گتیریلمه‌سینه اساس یاراداجاقلار.

ایرانین ایسه بو تخریبات پلانین‌دا اوچ هدفی وار:

بیرینجی‌سی، ممکن اسکالاسییا ایله آوروپا بیرلیینین (فرانسا) بؤلگه‌ده وارلیغینی لئگیتیملشدیرمک تهرانا تورکییه، روسییا و آذربایجانین اوچطرف‌لی راضیلاشمالار اوزریندن بؤلگه‌ده یاراتدیغی بالانسین پوزولماسی باخیمیندان لازیملیدیر؛

ایکینجی‌سی، تهران ارمنیستانا یاردیم و فرانسانین رگیونداکی ماراقلارینا اویناماقلا ایرانا حربی موداخیله سناری‌سینه قارشی دستک الده ائتمک ایستییر: ایسرایلین یاراتماق ایستدیی بین‌الخالق کوالیسییادا فرانسانین دا اولاجاغی گؤزلنیلیر و ایران جنوبی قفقازداکی پروسسلر اوزریندن پاریسین نیتراللیغینی تعمین ائده، او جمله‌دن، ارمنیلرین غربده اونون لوببیچیلیینی آپاراجاغینا اومید ائدیر؛

اوچونجوسو، سرحدده گئنیش‌میقیاس‌لی توققوشما اوچطرف‌لی راضیلاشمالاری آرخا پلانا کئچیره و زنگزور دهلیزینین آکتواللیغینی سوال آلتینا سالا بیلر؛
ممکن تخریبات هجومو ایله ایرانین حربی موستویده نایل اولماق ایستدیی هدف ده وار: گوروس-قافان یولونون قوبادلی‌دان کئچه‌ن حیصه‌سینه نظارت ائتمک؛

بو اراضی‌ده پوستون قورولدوغو ایلک دؤورده ده ایران‌دا یولا مداخیله حاق‌دا فیکیرلر وار ایدی، لاکین همین واخت بؤلگه‌ده‌کی سیاسی منظره صرفه‌لی دئییلدی. چونکی بئله بیر مداخیله‌یه قارشی تکجه آذربایجان و تورکییه یوخ، روسییا دا چیخاجاقدی. ایندی اوکراینا محاربه‌سینه گؤره روسییانین اوزلشدیی وضیعت و غرب قوه‌لرینین ارمنیستان اوزریندن بؤلگه‌یه گلیشی بو یولا مداخیله ائدیلجیی حالدا ایرانین اوزلشه بیلجیی تضییقی ضعیفله‌دیر. و استثنا دئییل کی، ارمنی عسگرلرین فورماسینی گئیینمیش ایران حربچیلرینین گوروس-قافان یولونون آذربایجان اراضی‌سین‌دن کئچه‌ن حیصه‌سینی اله کئچیرمک سناریسی وار.

ایرانین ارمنیستان‌داکی سفیریینین بو گون زنگزور دهلیزینه قارشی وئردیی آچیقلاما، «فرانسا ژاندارمالارینین سرحدده یئرلشدیریلمه‌سینه» قارشی اولمادیقلارینی دئمه‌سی ده دقت چکیر و پروسئسلرین آنالیزی فونون‌دا تخیبات پلانی حاق‌دا اینفورماسییانین دوغرولوق پایینی آرتیریر.