آمریکا بیرلشمیش ایشتاتلارینین دولت کاتیبی انتونی بلینکن مارتین ۲۱-ده آذربایجان رسپوبلیکاسینین پرزیدنتی ایلهام علیئوه زنگ ائدیب.

Axar.az خبر وئریر کی، بو باره‌ده آذربایجان پرزیدنتینین مطبوعات خیدمتی معلومات یاییب.

تلفن دانیشیغی اسناسین‌دا آذربایجانین لاچین-خانکندی یولو اطرافین‌داکی وضعیت مذاکیره اولونوب. دؤولتیمیزین باشچی‌سی قید ائدیب کی، اؤتن ایل دکابرین ۱۲-دن بو گوندک روسییا صولحمرام‌لیلارینین و بین‌الخالق قیرمیزی خاچ کومیته‌سینین ختتی ایله بورادان ۴ ۷۰۰-دن آرتیق نقلیات واسطه‌سینین، تیببی یاردیما احتیاجی اولان شخصلرین و اونلاری موشاییت ائد‌نلرین کئچی‌دی تعمین اولونوب. بونا گؤره ده بو یولون گویا بلوکادادا اولماسی باره‌ده معلومات ائرمنیستانین یالان‌چی تبلیغاتی‌دیر.

آذربایجان پرزیدنتی وورغولاییب کی، ارمنیستانین لاچین یولونا کؤمک‌چی یول‌دان ایستیفاده ائد‌رک روسییا صولحمرام‌لیلارینین موقتی یئرلشدیریلدیی اراضیلریمیزده قانون‌سوز حربی داشیمالار، شخصی هئیتین روتاسییاسینی حیاتا کئچیرمه‌سی، هابئله ائرمنیستان سلاحلی قوه‌لرینین ۱۰ مینه یاخین حرب‌چی‌سینین هله ده آذربایجان اراضی‌سین‌ده اولماسی جدی ناراحات‌لیق دوغورور. بو خوسوس‌دا دؤولتیمیزین باش‌چی‌سی آذربایجانین لاچین یولونون ارمنیستانلا سرحدینین سون نقطه‌سین‌ده سرحد-کئچید منطقه‌سینین یارادیلماسینین لابودلویونو خصوصیله وورغولاییب.

پرزیدنت ایلهام علیئو سون هفته‌لر عرضین‌ده ارمنیستان طرفینین آوروپا اتفاقینین بو اؤلکه‌ده‌کی میسییاسینین یئرلشمه‌سیندن سوی-ایستیفاده ائد‌رک وضعیتی قصداً گرگینلش‌دیرمک ایستیقامتین‌ده سیاست یوروتدویونو، آذربایجان-ارمنیستان دولت سرحدی بویو و روسییا صولحمرام‌لیلارینین موقتی یئرلشدیریلدیی آذربایجان اراضیلرین‌ده ارمنیستان سلاحلی قوه‌لری و قانون‌سوز ارمنی حربی بیرلشمه‌لری طرفین‌دن آتشکه‌سین اینتئنسیو شکیل‌ده پوزولماسی حاللارینین مشاهیده اولوندوغونو دقته چاتدیریب. آذربایجان پرزیدنتی بو خصوصدا ۲۰۲۳-جو ایل مارتین ۵-ده غیری-قانونی ارمنی بیرلشمه‌لرینین تؤرتدیکلری تخریبات نتیجه‌سین‌ده ۲ حربی قوللوقچوموزون شهید اولماسینی و نووروز بایرامی گونو - مارتین ۲۰-ده آذربایجان-ارمنیستان دولت سرحدینین زنگیلان رایونو اراضی‌سیندن کئچه‌ن حیصه‌سین‌ده ارمنیستانین نؤوبتی تخریباتی نتیجه‌سینده دولت سرحد خیدمتینین حربی قوللوقچوسونون یارالاندیغینی قید ائدیب.

پرزیدنت ایلهام علیئو وورغولاییب کی، آذربایجان صولح گوندلیینه تام صادق‌دیر، ارمنیستانلا مناسیبتلرین نورماللاشدیریلماسینا و تئزلیکله سوله مقاویله‌سینین امضالانماسینا حاضردیر و سون تکلیف و دوزلیشلرینین اولدوغو سوله موقاویله‌سینین متنینی ارمنیستان طرفینه تقدیم ائدیب.

دولتیمیزین باشچی‌سی بیلدیریب کی، آمریکا و شخصاً دؤولت کاتیبی انتونی بلینکنین بو ایستیقامت‌ده سعیلرینی یوکسک قیمتلندیریر.

دولت کاتیبی انتونی بلینکن بیر داها وورغولاییب کی، آبمریکا آذربایجانلا ارمنیستان آراسین‌دا مناسیبتلرین نورماللاشدیریلماسی و صولح موقاویله‌سینین امضالانماسی اوچون سعیلرینی بون‌دان سونرا دا داوام ائتدیره‌جک.

دؤولتیمیزین باشچی‌سی مونخئن‌ده کئچیریلمیش گؤروشون داوامی اولاراق آذربایجانین قاراباغدان اولان ارمنی ساکینلرله تماسلارا حاضر اولدوغونو و بو خصوصدا آذربایجان رسپوبلیکاسی پرزیدنتینین آدمینیستراسییاسی طرفین‌دن راینتقراسییا اوزره تماسلاری داوام ائتدیرمک و اینفراستروکتور لاییحه‌لرینی مذاکیره ائتمک اوچون اونلارین باکییا دعوت ائدیلدیینی ده خاطیرلادیب.