ایرانین عالی دینی لیدری علی خامنه‌ای‌نین مشاوری علی اکبر ولایتی آذربایجانلا محاربه‌یه حاضرلاشمادیغینی بو سؤزلرله ایضاح ائدیب: «اسلام انقلابیندان سونرا ایران ۱۵ قونشو اؤلکه‌دن هئچ بیرینه هجوم ائتمه‌ییب، محاربه‌یه باشلاماییب و باشلامایاجاق».

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

او بیلدیریب کی، ولایتی حاقلیدیر، غربین سرت سانکسیالاریلا و داخلده مختلف اتنیک گروپلارین طلبلریله اوزلشه‌ن، انسانلارین رژیمدن ناراضیلیقلارینی و اعتراضلارینی آرتان اؤلوم جزالاریلا حل ائتمه‌یه چالیشان، اقتصادیاتی ثابتلشدیره بیلمه‌یه‌ن ایرانین حاضرکی وضعیتده هانسیسا دولتله محاربه‌یه باشلاماق کیمی لوکسو یوخدور:

«بونا باخمایاراق، بو آغیر وضعیتده بئله ایران قونشو اؤلکه‌لرین داخلی ایشلرینه قاریشماقدان واز کئچمیر. ایران سوریا، لیوان، عراق، یمن، او جمله‌دن آذربایجاندا مختلیف گروپلاری مالیه‌لشدیریر، بعضیلرینی سلاحلاندیریر، شبکه‌لر یارادیر. بو قونشولارلا محاربه آنلامینا گلمه‌سه ده، ایرانین قونشو اؤلکه‌لرین داخلی ایشلرینه قاریشماسیدیر کی، بؤلگه‌ده وضعیتین ثابتلشمه‌سینه مانع اولور».