آذربایجانین تهران‌داکی سفیرلیینین فعالیتینین برپا ائدیلمه‌سی ایله باغلی یاییلان خبرلر حقیقتی عکس ائتدیرمیر.

Axar.az خبر وئریر کی، بو سؤزلری خاریجی ایشلر ناظیرلیینین (خین) سؤزچوسو آیخان حاجی‌زاده دئییب.

او، بئله بیر معلوماتین اولمادیغینی بیلدیریب:

«اونلار آچیقلاما وئریبلر کی، بو ایستیقامتده دانیشیقلار آپاریلیر. بیز بونا دایر شرح وئرمیشیک. جواب اولاراق بیلدیرمیشیک کی، سون زامانلار آذربایجانلا ایران آراسیندا بیر سیرا تماسلار حیاتا کئچیریلیب. خاریجی ایشلر ناظرلری آراسین‌دا باش توتموش دانیشیقلار زامانی اؤلکه‌لریمیز آراسین‌دا یارانمیش معلوم وضعیته دایر اطرافلی فیکیر مبادیله‌سی آپاریلیب.

جاری ایلین یانوار آیین‌دا ترور هجومو نتیجه‌سینده فعالیتینی دایاندیرمیش سفیرلییمیزین ایشینین برپا اولونماسی مسئله‌سینه گلدیکده قید ائدک کی، آذربایجان ترور هجومو ایله باغلی ایستینتاقین باشا چاتدیریلاجاغینی گؤزلییر. ترور آکتینی تؤره‌دنلر و سیفاریشچیلر مسئولیته جلب اولونمالی، ان سرت شکیلده جزالاندیریلمالیدیر. آذربایجان طرفی امین اولمالیدیر کی، سفیرلیین تهلوکه‌سیز فعالیتی اوچون شرایط مؤجوددور و بونونلا باغلی تام ضمانت وئریلمه‌لیدیر».

قید ائدک کی، ایرانین بیر سیرا تلگرام کاناللاری آذربایجانین تهران‌داکی سفیرلیینین برپا اولونماسی ایله باغلی خبر یاییب.