۱۹:۲۹

روسیانین سن پترزبورگ شهرینین تاورید ساراییندا آذربایجان رسپوبلیکاسینین باش پروکورورو کامران علیئو، روسیا فدراسیاسینین باش پروکورورو ایگور کراسنوو و ارمنیستانین باش پروکورورو آننا وارداپتیان آراسیندا اوچطرفلی گؤروشو باش توتوب.

Axar.az خبر وئریر کی، گؤروشده چیخیش ائد‌ن ایگور کراسنوو تدبیرین ۲۰۲۱-جی ایلدن بری آنالوژی فورماتدا کئچیریلن بئشینجی گؤروش اولدوغونو دئییب.

او بیلدیریب کی، اولکی اوچطرفلی گؤروش ۲۰۲۲-جی ایلین دکابریندا مسکوادا کئچیریلیب و بو گؤروش زمانی آذربایجان، روسیا، ارمنیستان پروکورورلوقلارینین رهبرلری امکداشلیغین پرسپکتیولرینی مذاکره ائدیبلر.

پشکار دیالوگون داوام ائتدیریلمه‌سی اوچون قارشی‌لیقلی حاضرلیغی یوکسک قیمتلندیرن ایگور کراسنوو گلجک امکداشلیغین قورولماسینا کونستروکتیو یاناشمایا گؤره هر ایکی طرفه تشکور ائدیب.

«بیلدیینیز کیمی، بیر آیدان آز اول دولتلریمیزین باشچیلارینین نؤوبتی گؤروشو اولدو. گؤروشده آذربایجان، ارمنیستان و روسیا لیدرلری سرحد بؤلگه‌سینین حیات تأمیناتینین نرماللاشدیریلماسی ایله باغلی بیر سیرا آکتوال مسئله‌لر اوزره قارشی‌لیقلی مقبول حللرین ایشلنیب حاضرلانماسی باره‌ده راضیلیغا گلیبلر.

بو باخیمدان، بیزیم دائمی تماسلاریمیزی داوام ائتدیرمییمیزی، رگیوندا صلحون، تهلوکه‌سیزلیین و داواملی اقتصادی انکشافین تامین ائدیلمه‌سی، آذربایجان-ارمنیستان مناسبتلرینین ثابتلشدیریلمه‌سی وظیفه‌لرینین یئرینه یئتیریلمه‌سی اوچون الده ائدیلمیش راضیلاشمالارین حیاتا کئچیریلمه‌سی کورسونو ایزلمییمیزی سون درجه واجب حساب ائدیرم.

شخصاً من و بوتون تابعلیینده اولانلار، او جمله‌دن سرحد بؤلگه‌سین‌ده دیسلوکاسیا اولونموش حربی پروکورورلار آذربایجان و ارمنیستان طرفلری آراسیندا کونستروکتیو قارشی‌لیقلی فعالیتی تامین ائتمک اوچون بوندان سونرا دا لازمی کمکلیک گؤسترجییک. عینی زماندا، گرگینلیین آرتماسینین قارشی‌سینین آلینماسینی اساس وظیفه کیمی گؤرورم. امینم کی، بیرگه سعیلرله بیز رگیونون آهنگدار انکشافی و اورادا یاشایان هر کس اوچون لاییقلی حیات اوچون تهلوکه‌سیز شرایط یارادا بیلجییک».