الوئریشسیز هاوا شرایطینده ایتکین دوشن آذربایجان اوردوسونون عسگرلری آقشین ببیروو و حسین آخوندووون ارمنیستان‌دا توتولاراق محاکیمه ائدیلمه‌سی تمامیله قانونا ضد شکیلده حیاتا کئچیریلیب.

بو سؤزلری Axar.az-آ موکیل حقوق مرکزینین صدری، حقوق‌شناس صمد وکیلوو حسین آخوندووا اؤمورلوک حبس جزاسی وئریلجیی ایله باغلی یاییلان خبرلری شرح ائدرکه‌ن دئییب.

او بیلدیریب کی، عسگرلره قارشی ایر‌لی سوروله‌ن اتهاملار و قبول ائدیله‌ن قرارلار چوخ غرضلی‌دیر:

«ناخچیوانین شاهبوز رایونو اراضی‌سین‌ده الوئریشسیز هاوا شرایطین‌ده آزیب سرحدی کئچن آذربایجان‌لی حربچیلر بیر گروپ شخصله اولجه‌دن البیر اولاراق ارمنیستانین دولت سرحدینی قانونسوز کئچمکده، قانون‌سوز اودلو سلاح و دؤیوش سورساتی داشیماقدا اتهام اولوناراق باره‌لرینده حبس قراری وئریلیب. بونونلا یاناشی، سونرادان حسین آخوندوو باره‌سین‌ده داها بیر جینایت ایشی باشلانیلیب و او، زنگزور میس-مولیبدن کومبیناتینین گؤزتچی‌سینی قتله یئتیرمکده تقصیرلندیریلیب. آذربایجان اوردوسونون عسگرلرینین محاکیمه ائدیلمه‌سی تمامیله قانونسوزدور. اونلارلا بین‌الخالق حقوقون معین ائتدیی نورمالارا اویغون شکیلده داورانماییبلار. حتی عسگرلریمیزه ایشگه‌نجه وئره‌رک سوسیال شبکه‌لرده یاییبلار. بو ایسه حربی اسیرلرله رفتارا دایر ۳-جو جنوره کونونسییاسینا ضیددیر. سؤزوگدن کنونسییادان باشقا، حربی اسیرلرله رفتار رژیمینی معین ائد‌ن اساس بین‌الخالق حقوقی سندلر سیراسینا قورو عملیاتلارینین قانونلاری حاقین‌دا ۴-جو هاآقا کنونسییاسی و ۱۹۴۹-جو ایل جنوره کونونسییالارینا ۱۹۷۷-جی ایلده قبول ائدیله‌ن ۱-جی و ۲-جی علاوه پروتوکوللار دا عایید ائدیلیر. ارمنیلر همیشه اولدوغو کیمی، گولونج ادعالار ایر‌لی سوره‌رک، گویا بیزیم عسگرین هانسی‌سا زاوودون گؤزتچی‌سینی اؤلدوردویونو و بونا گؤره محاکیمه اولوندوغونو بیان ائدیرلر. تجروبه اونو گؤستریر کی، ایندییه کیمی آذربایجان‌دان اله کئچیریلمیش بیر نئچه شخص باره‌سینده ده بئله محکمه قرارلاری اولوب. لاکین اونلار سونون‌دا همین شخصلری آذربایجان طرفینه وئرمک مجبوریتینده قالیب».

صمد وکیلوو بیلدیریب کی، حاقسیز یئره محاکیمه اولونان عسگرلریمیز ده آذربایجانا قایتاریلاجاق:

«ارمنیلر بیزیم عسگرلره بئله یوکسک جزا وئرمکله آذربایجاندا اولان حربی جینایتکارلارین گئری آلینماسی ایله باغلی بازارلیق ائتمک ایستییرلر. لاکین بو، رئال گؤرسنمیر. ارمنیستان طرفی حربچیلریمیزی وئرمک مجبوریتینده قالاجاقلار. بونا آذربایجان دولتینین گوجو امکان وئریر».