ارمنیستان-آذربایجان سرحدینده گرگینلیک قالماقدادیر.

Axar.az خبر وئریر کی، بونو ارمنیستان خارجی ایشلر ناظری آرارات میرزویان دئییب .

«بیز بین‌الخالق طرفداشلارلا فعال ایشلییریک، امینم کی، سیز بین‌الخالق محکمه‌نین بیاناتلارینی، چاغیریشلارینی و طبیعی کی، قانونی قرارلارینی ایزلییرسینیز. آذربایجان کونستروکتیو ساحه‌یه داخل اولانا قدر بیز بو جور ایشی داوام ائتدیرملییک، چونکی بیز اوزون‌مدتلی صلح ایستییریک. بیز قارشی‌لیقلی اولاراق اراضی بوتؤولویونون تانینماسینی ایستییریک»، - میرزویان بیلدیریب.

اونون سؤزلرینه گؤره، صلح سازشی ایله باغلی فکر آیریلیقلاری داوام ائدیر:

«هئچ بیر ایرلیلییشین اولماماسی ایله باغلی دئمک اولمازدی. ان مهم مسئله‌لرده هله ده اساسلی فکر آیریلیقلاری وار. بیز دانیشیقلاری، ایشی داوام ائتدیرملییک. داها بؤیوک قارشی‌لیقلی آنلاشما شرایطینده اوللر اولمادیغی کیمی بیر دیالوگ وار. بیز مثبت سیگناللار گؤروروک، اما عینی زماندا بیر داها دئمک ایستییرم کی، نه‌اینکی فکر مبادله‌سی، کونکرت راضیلاشمالار حیاتا کئچیریلمیر، حتی آذربایجان رهبرلیی یا فکرینی دییشیر، یا دا حاضردا هانسی‌سا دیپلماتیک اویون اویناییر».