بروکسلده آوروپا اتفاقی شوراسینین پرزیدنتی شارل میشل، اونون دیپلماتیک مشاورلری سایمون موردیو و ماگدالنا گرونونون رهبرلیی ایله آذربایجان پرزیدنتینین کمکچی‌سی - پرزیدنت آدمینیستراسیاسینین خارجی سیاست مسئله‌لری شعبه‌سینین مدیری حکمت حاجییئو و ارمنیستان تهلوکه‌سیزلیک شوراسینین کاتبی آرمن گریگوریان آراسیندا گؤروش کئچیریلیب.

Axar.az خبر وئریر کی، گؤروش زمانی اشتراک‌چیلار آذربایجانین قاراباغ بؤلگه‌سینده‌کی وضعیتی مذاکره ائدیبلر.

حکمت حاجییئو آذربایجانین هومانیتار یاردیم گؤسترمک و یئرلی اهالینین تهلوکه‌سیزلیینی تامین ائتمک پلانلاریندان دانیشیب.

گؤروش همچینین اوکتیابرین ۵-ده گرانادادا کئچیریلمه‌سی پلانلاشدیریلان آوروپا سیاسی بیرلیینین اوچونجو ساممیتی چرچیوه‌سینده لیدرلرین ممکون گؤروشونون آکتواللیغی باره‌ده اشتراک‌چیلار آراسیندا اینتنسیو فکر مبادله‌سی آپارماغا امکان وئریب.

«آی حساب ائدیر کی، گرانادادا ممکون گؤروشدن هم ایروان، هم ده باکی داها اول پراگا و بروکسلده الده ائدیلمیش راضیلاشمالارا اویغون اولاراق بیر-بیرلرینین اراضی بوتؤولویو و سووئرنلیینه صادقلیکلرینی آچیق شکلده تصدیقلمک اوچون استفاده ائتملیدیرلر»، - آوروپا اتفاقی شوراسینین مطبوعات خدمتینین معلوماتیندا دئییلیر.