بعضی غرب دولتلری قاراباغ اطرافیندا ثابت‌لیی پوزماغا چالیشیر و رگیوندا روسیایا قارشی آچیق مبارزه آپاریرلار.

Axar.az خبر وئریر کی، بونو کرملین مطبوعات کاتبی دمیتری پسکوو دئییب.

«۳، ۴، ۵ ایل اول ده بئله بیر مبارزه دیپلماتیک ماسکالارلا آپاریلیردی. ایندی بو ماسکالار چوخ‌دان آتیلیب و اوزبه‌اوز، آچیق شکلده مبارزه آپاریلیر. حقیقتا ده بیر سیرا اؤلکه‌لر هله ده قاراباغ اطرافیندا ثابت‌لیی پوزماغا چالیشیرلار. یئری گلمیشکن، آذربایجان طرفی ده رسمی شکلده بیان ائتدی کی، بو اؤلکه‌لر چتین کی، هر هانسی واسطه‌چی رولونا ادعا ائده بیلر، چونکی اونلار بیرطرفلی واسطه‌چی رولونو اؤز اوزرینه گؤتوروبلر. و طبیعی کی، بئله بیرطرفلی مؤقع توتاراق نیه‌سه ادعا ائتمک هم ممکون دئییل، هم ده یئرسیزدیر»، - پسکوو بیلدیریب.

اونون سؤزلرینه گؤره، غرب دولتلری روسییانی قاراباغ‌دان سیخیشدیریب چیخارماغا چالیشیر، لاکن هئچ کیم رگیوندا صلحون و ثابتلیین تأمیناتچی‌سی کیمی چیخیش ائده بیلمز.

«بیزی اورادان سیخیشدیرماغا چالیشدیقلارینی بیلیریک. اما هله‌لیک روسیادان باشقا هئچ کیم رگیوندا صلحون و ثابتلیین تأمیناتچی‌سی کیمی بئله بیر رول اوینایا بیلمیر. روسییا ایسه سعیلرینی داوام ائتدیریر».