خارجی ایشلر ناظیری جیحون بایراموو دکابرین ۱-ده شمالی ماکدونییانین پایتاختی اسکوپیئ شهرینده تشکیل اولونان آذربایجان تدقیقاتلاری اوزره ۲-جی آوروپا کنفرانسینین خصوصی سسییاسیندا چیخیش ائدیب، ارمنیستان طرفیندن صلح پروسسینه قارشی تؤرهدیلهن مانعهلردن دانیشیب.
بو بارهده Axar.az-آ خارجی ایشلر ناظیرلییندن معلومات وئریلیب.
بیلدیریلیب کی، چیخیش زمانی ناظر پست-مناقشه دؤورونده آذربایجانین خارجی سیاست پریوریتتلری، آذربایجان و ارمنیستان آراسیندا مناسبتلرین پرسپکتیولری، هابئله رگیونال وضعیت بارهده اؤلکهمیزین مؤوقعیینی دقته چاتدیریب.
خارجی ایشلر ناظری ۱۹ سنتیابر تاریخینده کئچیریلمیش آنتیترور تدبیرلرینی سجیهلندیرن عامللر بارهده معلومات وئریب.
او، اؤلکهمیزین بؤلگهده آپاردیغی برپا و قوروجولوق ایشلری بارهده معلومات وئریب. بونونلا یاناشی، ارمنیستانین اؤلکهمیزه قارشی تؤرتدیی مینا تهدیدلرینی خصوصی وورغولاییب.
بایراموو همچینین ارمنیستانین حربی پتنسیالینی گوجلندیرمهیه و بعضی اوچونجو طرفلرین بؤلگهده دستروکتیو فعالیتینه دقت چکیب. بو کیمی فعالیتین بؤلگهده صلح و ثابتلیه خدمت ائتمدیینی وورغولاییب.
آنتیترور تدبیرلریندن سونرا اؤلکهمیزه قارشی غرضلی و تخریباتچی اتهاملارین رگیونا سفر ائدن، ائلجه ده ارمنیستاندا آکتیو فعالیت گؤسترن بیرلشمیش ملتلر تشکیلاتی-نین اختصاصلاشمیش قوروملارینین نمایندهلرینین حسابات و بیاناتلاری ایله ضدیت تشکیل ائتدیی و اؤلکهمیزه قارشی ادعالارین اساسسیزلیغینین ثبوت اولوندوغو خاطیرلانیب.
خارجی ایشلر ناظری همچینین سون ایللر عرضینده آذربایجانین بینالخالق اهمیتلی تشببوسلری دقته چاتدیریب، چوخطرفلی دیپلماتییا ساحهسینده اؤلکهمیزین فعال رولوندان بحث ائدیب.
سون دؤورلرده بؤلگهده و دنیادا باش وئرن حادثهلر فونوندا انرژی تهلوکهسیزلیینین آرتان اهمیتیندن بحث ائدن ناظیر بایراموو، انرژی تهلوکهسیزلیینین تامین ائدیلمهسی، آلترناتیو انرژی ساحهسینده سعیلره، ائلجه ده نقلیات دهلیزلرینین شاخهلندیریلمهسی استقامتینده چوخطرفلی امکداشلیغین گئنیشلندیریلمهسینین واجبلیینه دقت یؤنلدیب.
داها سونرا او، تدبیر اشتراکچیلارینین چوخسایلی سواللارینی جوابلاندیریب.
بینالخالق مناسبتلرین تحلیلی مرکزینین تشکیلاتچیلیغی و خارجی ایشلر ناظیرلیینین دستیی ایله کئچیریلمیش کنفرانسدا آوروپادان ۳۰-دان چوخ دوشونجه و تدقیقات مرکزینین نمایندهلری، هابئله نفوذلو متخصصلر اشتراک ائدیب.
ایلک دفعه اؤتن ایل وارشاوادا کئچیریلمیش آذربایجان تدقیقاتلاری اوزره آوروپا کنفرانسی اؤلکهمیزله باغلی سیاسی، اقتصادی و مدنی مؤوضولار داخل اولماقلا فرقلی ساحهلر اوزره تدقیقاتلارین تشویق ائدیلمهسی، ائلجه ده آذربایجان بارهده معلوماتلارین دنیا اجتماعیتینه دوزگون چاتدیریلماسی و آکادمیک سویهده اوبیکتیو تحلیللرین آپاریلماسینا تحفه مقصدینی داشییر.