۳۰ نویابردا آذربایجانلا ارمنیستان آراسیندا سرحدین دمارکاسییاسی و سرحد تهلوکه‌سیزلییی کمیسییالارینین سرحدده کئچیریلن ۵-جی اجلاسی ایله باغلی بعضی یئنی تفرعات یاییلیب.

Axar.az خبر وئریر کی، ارمنی مئدیاسی گؤروشده ارمنیستان طرفدن باش ناظرین معاوینی مگر گریگوریانلا یاناشی، کاداستر کمیته‌سینین رئیس معاوینی و میللی تهلوکسیزلیک ناظیرلیینین امکداشلارینین دا اشتراک ائتدیینی بیلدیریب.

گؤروش سرحدده یئرلشن چادردا باش توتوب – هانسیسا بینادا دئییل.

ارمنی مئدیاسی آنکلاولار مسئله‌سینین ده مذاکیره ائدیلدیینی، اونلارین قایتاریلماسی ایستیقامتینده راضی‌لیق اولدوغونو یازیب. بونا نیکول پاشینیانین «ارمنیستانین ۲۹۸۰۰ کیلومتر اراضی‌سینه سووئت دؤورونده آذربایجانا مخصوص اولان آنکلاولار داخیل دئییل» فیکیرلری اساس کیمی گؤستریلیب.

همچینین ارمنیستان پارلامنتینین صدری آلن سیمونیانینین بیر نئچه گون اؤنجکی آچیقلاماسینا دا یئر وئریلیب: «ایروان باشکندی آلماق مقابیلینده سووئت دؤورونده موجود اولان آنکلاولاری باکییا قایتارماغا حاضردیر».

تاووش قوبرناتورو ایسه آنکلاولارلا باغلی ۳۰ نویابردا هئچ بیر راضیلیق الده ائدیلمدیینی آچیقلاییب:

«مدافعه ناظیرلییینده اولان معلوماتا گؤره، هله‌لیک هئچ بیر راضیلاشما یوخدور».