آذربایجانلا امکداشلیغا ختام وئرمک آمریکا-نین ماراقلارینا ضد اولاردی.

Axar.az خبر وئریر کی، بونو آمریکا دولت دپارتامنتینین سؤزچوسو متیو میللر بو گون کئچیردیی بریفینگ زمانی دئییب.

"بیز هئچ واخت دئممیشیک کی، آذربایجانلا امکداشلیغی داوام ائتدیرمک فیکرینده دئییلیک. بو، بیزیم ماراقلاریمیزا، ائلجه ده رگیوندا صلح و تهلوکه‌سیزلیک ماراقلارینا ضددیر"، - دئیه او بیلدیریب.

میللر قید ائدیب کی، آمریکا هم آذربایجان، هم ده ارمنیستانلا بیرباشا علاقه‌لری داوام ائتدیریر و اونلاری داواملی صلحو تامین ائتمه‌یه چاغیریر.

"بو علاقه‌لر، دیپلماتیک سعیلریمیزین دقت مرکزینده اولماقدا داوام ائد‌جک"، - دئیه او بیلدیریب.

قید ائدک کی، آمریکا دولت کاتبینین آوروپا و آوراسییا مسئله‌لری اوزره کمکچی‌سی جیمز اوبراین دکابرین ۶-۸-ده آذربایجاندا سفرده اولاجاق. او، ایکی‌طرفلی مناسبتلری گوجلندیرمک و آذربایجان و ارمنیستان آراسیندا صلحو دستکلمک اوچون باکی‌دا آذربایجان رسمیلری ایله گؤروشجک.