آنا صحیفه سیاست |
ایران حبسخاناسیندا ساخلانیلان سیاسی محبوس یوروش مهرعلیبیلی ۲۱ آذر (۱۲ دکابر) حرکاتینین ایلدؤنومو ایله باغلی مراجعت یاییب.
Kult.az همین مراجعتی تقدیم ائدیر:
فارس و مرکزچی جریانلار هله ده آذربایجان میللی حکومتینین قورولماسینی وطنه خیانت نمونهسی، حاکم پیشهورینی ایسه ساتقین حساب ائدیر، چیخاریلان حکمو ناغارا و سیرنلرله خالق آراسیندا هایقیریرلار: کتابلاردا، ژورناللاردا، قزئتلرده یازیلیر و مکتبلرده شاگردلره چاتدیریلیر.
اونلارین نقتهایی-نظریندن، پیشوری آزادلیقسئور فعالیتینه گؤره ۱۰ ایله یاخین رضا شاه دیکتاتورونون حبسخاناسیندا حبسده اولسا دا، آذربایجان خالقی اونو اؤز نمایندهسی سئچسه ده، ساتقیندیر.
باخمایاراق کی، او رضا شاه حکومتینین ۲۰ ایلی قدر بیر ایل عرضینده آذربایجانین انکشاف یولوندا خدمتلر گؤستریب. بو فعالیتلری ایسه گؤرمزدن گلیرلر. نهایت، پیشهوری آزادلیق یولوندا و دوشونجهسینده مقاومت و فداکارلیق گؤستریر، خائنجهسینه اؤلدورولور…
اونلارین فکرینجه، جعفر پیشهورینین ان بؤیوک گناهی، اولجه، آذربایجانی ایراندان آییریب، سونرا ایسه آذربایجانین مختاریتینه راضیلیق وئرمهسی اولوب.
سووئت اتفاقیندان کمک آلماق، بعضا، جعفر پیشهورینین جنایتی کیمی تقدیم ائدیلیر. پیشورینی سووئت اتفاقیندان حمایه ایستهمکده گناهلاندیرانلار محمد رضا شاهی هئچ واخت آمریکادان یاردیم آلماقدا و یا آذربایجان میللی حکومتینی داغیتماق مقصدی ایله سووئت اتفاقینا شرایط یاراتماقدا گناهکار سایمیرلار.
حاضردا اونلاردان بعضیلری ایرانین سورییادا روسیا ایله امکداشلیغینی فخرله دیله گتیریرلر. اونلارین فکرینجه، اساس گناه، سادهجه، ایراندان آیریلماق ایستییدیر.
همین کسلر آذربایجان میللی حکومتینین قورولماسینی وطنه خیانت کیمی قیمتلندیریرلر. لاکن بو حالدا مرکزچیلیی دیکته ائدن ساغچی و سولچو شووینیزمدیر.
اونلار اوچون فرقی یوخدور کی، آذربایجاندا میللی حکومت دؤورونده فرمرلرین، فهلهلرین منافعیی نامینه هانسی آددیملار آتیلیب. یا دا آذربایجانین دموکراتیک فرقهسی دؤورونده دیگر حرکتلرین تصویری، او جملهدن، آنا دیلینده مکتبلرین یارادیلماسی، اؤلکهده ایلک دفعه قادینلارا سسوئرمه و نامزدلیک حقوقونون وئریلمهسی اونلارین آذربایجان میللی حکومتی حاقیندا محاکمهلرینه هئچ بیر تأثیر گؤسترمیر. چونکی آذربایجان میللی حکومتینین قورولماسی ایرانین اینتگراسییاسینین سونا چاتماسی و آذربایجاندا فارس دیلینین رسمی ایستاتوسونون ایتیریلمهسی دئمک ایدی.
بوندان علاوه، میللی حکومته مالک اولان آذربایجانلیلار ایراندان مستقل سیاسی کیملییه و تانینماغا نائل اولاجاقدیلار.
اونلارین نقتهایی-نظریندن بیر اؤلکهده خصوصی بیر میللته قارشی نه قدر آیری-سئچکیلیین تطبیق اولونماسینین، محکوم ائدیلمیش میللتین حاکم میللت طرفیندن نه قدر آلچالدیلماسینین، المنتار حقوقلاریندان محروم ائدیلمهسینین و یا کیملیینین تهلوکهیه آتیلماسینین هئچ بیر اهمیتی یوخدور. هئچ بیر اعتراض اولمامالیدیر: ایرانین بوتؤولویونو قوروماق اوچون رژیمین ظلم و آیری-سئچکیلیینی داوام ائتدیرمهسینه اطاعت ائتملیدیرلر.
تاریخ
2023.12.12 / 09:38
|
مولف
Axar.az
|