آذربایجاندا ۷ فورال ۲۰۲۴-جو ایله تعیین ائدیلن پرزیدنت سئچکیلرینه ارمنی اجتماعیتینده ده غریبه ماراق حس ائدیلیر.

Axar.az خبر وئریر کی، بیر چوخ ارمنی اکسپرت بونو ایلهام علیئوین ۲۰۲۴-جو ایله «جدی حاضیرلاشماسی» ایله علاقه‌لندیریر و ۲۰۱۸-جی ایلده هر ایکی اؤلکه‌ده کئچیریله‌ن سئچکیلرله مقایسه‌لر آپاریرلار.

بئله کی، یئنی کونستیتوسییا ایله پارلامنت رسپوبلیکاسینا چئوریلن ارمنیستاندا ۲۰۱۸-جی ایل سئچکیلری جدی قارشیدورمالارلا یاددا قالدی، «مخمری انقلاب» باش وئردی. محض بو عرفه‌ده ایلک دفعه اولاراق نوبه‌دن‌کنار سئچکییه گئدن آذربایجان ارمنیستاندا «لگیتیم سئچکیلر»دن (۸ مای) تخمیناً ۱ آی اؤنجه - ۱۱ آپرلده پرزیدنت سئچکی‌سیندن داها گوجلنمیش فورمادا چیخدی.

ارمنی اکسپرتلر بو آددیمی ایلهام علیئوین ارمنیستانداکی پروسسلری قاباقلاماق و حادثه‌لرین ایسته‌نیلن انکشافینا حاضر اولماق ایستیی کیمی قیمتلندیریرلر. کونستیتوسییا دییشیک‌لیی ایله پرزیدنتلیک مدتینی ۷ ایله قالدیران آذربایجان فاکتیکی اولاراق مرکزلشمیش، داها گوجلو حاکمیتی ایله دنیاداکی یئنی‌لنن پروسسلرین اشتراکچی‌سینا چئوریلدی.

ارمنی اکسپرتلر محض بونون آردینجا ارمنیستان حاکمیتینین بین‌الخالق تریبونالاردا آرد-آردا ضربه‌لر آلدیغی و مؤقعلرینین سارسیلدیغینی، نتیجه‌نین ایسه ۲۷ سنتیابرا گتیریب چیخاردیغینی بیلدیریرلر.

ایلهام علیئوین پرزیدنت سئچکیلرینی ۲۰۲۴-جو ایلین اولینه چکمه‌سینده ده عینی پروسسین تکرار اولونا بیلجیی قورخوسو و اندیشه‌سی ارمنیلری ساریب: ادعالاردان بیری ده بودور کی، سئچکی یاریشینی رگیونال ماراغی اولان بوتون اؤلکه‌لردن داها اول تماملایان آذربایجان لیدری یئنی پروسسلره باشلایا و داها جدی سورپریزلرله ارمنیستانی اوز-اوزه قویا بیلر.

ایلهام علیئوین ایسته‌نیلن سورپریزی ائتمه‌یه قادیر اولدوغونو وورغولایان ارمنی اکسپرتلر عینی زماندا بونو اوکراینا محاربه‌سینده روسیانین خیرینه باش وئرن پروسسلر، او جمله‌دن غزه مناقشه‌سی ایله دا علاقه‌لندیریرلر. احتماللاردان بیری ده بودور کی، هر ایکی مناقشه‌نین باشا چاتدیغی و دنیانین یئنی نظامی ایله باغلی داها جدی پروسسلرین باشلادیغی آنا آذربایجان لیدری، همیشکی کیمی، حاضر اولماغی هدفلییر.

بو خصوصدا ارمنیستاندا دا پارلامنت سئچکیلرینین – حاکمیتین یئنی‌دن فورمالاشدیریلماسینین گوندمه گتیریلمه‌سی دقت چکیر. آنجاق بئله گؤرونور کی، داخلی پروسسلر نیکول پاشینیانا قیسا مدتده نوبه‌دن‌کنار سئچکییه گئدرک، ۲۰۲۴-جو ایلی گوجلو شکلده باشا وورماق امکانی قازانماسینا مانع اولور.