روسیا «۳+۳» فورماتیندا فعال ایشی داوام ائتدیرمک عزمینده‌دیر.

Axar.az خبر وئریر کی، بونو "اسپوتنیک"ا مصاحبه‌سینده روسیا خارجی ایشلر ناظیرینین معاونی میخایل گالوزین دئییب.

او، رگیونال فورماتلاری بؤلگه‌نین پروبلملرینین حلی اوچون ان یاخشی اصول حساب ائدیب.

گورجوستانین هله بو فورماتدا اشتراک ائتمدیینی سؤیله‌ین دیپلمات رسمی تفلیسین بیرگه ایشلمه‌یه حاضر اولدوغو تقدیرده قاپینین هر زمان اونلارا آچیق اولدوغونو وورغولاییب.

قید ائدک کی، «۳+۳» آذربایجان، گورجوستان، ارمنیستان و تورکیه، روسیا، ایرانی احاطه ائدیر.

گروپون ایلک اجلاسی ۲۰۲۱-جی ایلین دکابریندا مسکوادا بئش اؤلکه‌نین خارجی ایشلر ناظیرلرینین معاوینلری سویه‌سینده کئچیریلیب. بئش اؤلکه‌نین ناظیرلرینین اشتراکی ایله کئچیریله‌ن دیگر گؤروش ایسه ۲۰۲۳-جو ایلین اوکتیابریندا ایراندا باش توتوب. نوبتی گؤروش ۲۰۲۴-جو ایلده تورکیه‌ده اولاجاق.