آذربایجان ارمنیستانلا بیرباشا، واسطه‌چی‌سیز دانیشیقلارا اوستونلوک وئریر.

Axar.az خبر وئریر کی، بو سؤزلری روسیاپرست ارمنی پولیتولوق، «ارمنی لایحه‌سی» اجتماعی تشکیلاتینین رهبری سرگئی ملکونیان ارمنی مدیاسینا مصاحبه‌سینده دئییب.

«باکینین بیرباشا دانیشیقلار اوچون اؤز سببی وار - ایندی قوه‌لر نسبتینی اؤز خیرینه دییشیب و تورکیه هرطرفلی دستک وئریر. بو شرایط‌ده ارمنیستانا تضییق ائتمک داها آساندیر. واسطه‌چیلرین اولماسی ایسه ارمنیستانا بو تضییقی معین درجه‌ده نیتراللاشدیرماغا و یا ان آزی مینیموما ائندیرمه‌یه امکان وئرردی. محض بونا گؤره ده خارجی آکتورلارین واسطه‌چی‌لیی اولمادان آپاریلان دانیشیقلار ارمنیستان طرفیندن داها بؤیوک گذشتلرله دولودور»، - بیلدیریب.

بونونلا برابر، ملکونیان باکینین گله‌جکده ارمنیستاندا روانشیست احوال-روحیه‌نین یارانماسیندان قورخدوغونو دا ادعا ائدیب:

«آذربایجانین بو جور قورخولارینین رئال اساسی وار. اونلار باشا دوشور کی، ارمنیلر مغلوبیتدن قورتولان کیمی، فرصت دوشن کیمی اؤز تهلوکه‌سیزلیینی تامین ائتمک و اوزرلرینده آسیلمیش اکزیستنسیال تهلوکه‌نی نیتراللاشدیرماق اوچون یئنی‌دن سلاحا ساریلاجاقلار. طبیعی کی، ارمنیستاندا حاکم قوه هر دفعه دئییر کی، قصاص آلماق نیتینده دئییل، لاکن بو، آذربایجان طرفینی ساکتلشدیرمیر، بو، اونا کفایت ائتمیر. باکی قاراباغین بوتون دولت قوروملارینین تمامیله لغو ائدیلمه‌سینی و اونون بوتون سیمووللارینین محو ائدیلمه‌سینی ایستییر. آذربایجان دا اسرار ائدیر کی، ارمنی مخالفتی و دیاسپورو قاراباغ حاقیندا دانیشماغی دایاندیرسین و سایر ارمنیستان حاکمیتینین ایندیکی مرحله‌ده‌کی حرکتلری آذربایجانلیلارین ایستدیکلری ایله دئمک اولار کی، تمامیله اوست-اوسته دوشور».