روسییانین متفیقینین فرانسا و هیندیستان سلاحلارینی آلماسی مسکوانین قونشو اؤلکه‌لرده تأثیرینی ایتیردیینین گؤستریجی‌سیییر.

Axar.az خبر وئریر کی، بو باره‌ده «بیزنس اینسایدر»ده (بوسینسس اینسایدر) ارمنیستانین فرانسا و هیندیستاندان سلاح آلماسی ایله باغلی یاییلان مقاله‌ده بیلدیریلیب.

قید ائدیلیب کی، سون هفته‌لرده ارمنیستان فرانسادان هاوا هجوموندان مدافعه سیستملری و رادارلار، همچینین هیندیستاندان پیلوتسوز طیاره‌لره قارشی سیستملر سیفاریش ائدیب:

«حربی ساتینالمالاری هم ده اونا گؤره دقت چکیر کی، بو، آذربایجانین آرتان تضییقلری ایله مباریزه‌ده ایروانا آز دستک وئرن روسییادان حربی تکنیکا آسیلیلیغینی آزالتماق اوچون ارمنیستانین نظره‌چارپاجاق آددیملار آتدیغینی گؤستریر.

۲۰۲۰-جی ایلده ارمنیستانین آذربایجانلا آلتی هفته‌لیک محاربه‌سی آذربایجانین پیلوتسوز طیاره‌لردن ایستیفاده ائتمه‌سینی دونیانین دقتینه گتیردی. ایروانا سلاح ساتیشینی اعلان ائد‌ن مطبوعات کنفرانسیندا فرانسانین مدافعه ناظری دئییب کی، هاوا هجوموندان مدافعه تمامیله اساس مقامدیر. او، همچینین بیان ائدیب کی، پاریس ایروانا اوچ گم-۲۰۰ راداری ساتیر و گله‌جکده «میسترال» یاخینمنزیللی هاوا هجومون‌دان مدافعه سیستملرینین تداروکو اوچون مقاویله ایمضالاییر».

حربی اکسپرت جیمس روجرس نشره دئییب کی، ارمنیستانین فرانسادان هاوا هجوموندان مدافعه سیستملری سیفاریش ائتمک قراری مهم آددیم‌دیر:

«بو، تکجه روسییایا ارمنیستانین دیگر اؤلکه‌لرله مدافعه ساحه‌سین‌ده امکداشلیق امکانلارینین اولدوغونو گؤسترمیر. بو، هم ده ارمنیستانین اؤز اوردوسونو مودرنلشدیرمک سعیلرینده ایر‌لییه دوغرو بؤیوک آددیمی نماییش ائتدیریر».

مقاله‌ده خاطیرلادیلیب کی، نویابرین اولین‌ده ایروان هیندیستان‌دان داها چوخ سلاح، او جمله‌دن «زن» آنتی‌درون سیستملری آلیب، ۲۰۲۲-جی ایلین اولینده ایسه ارمنیستان هیندیستان ایستحصالی اولان دؤرد چوخبارللی «پیناکا» رئاکتیو یایلیم آتشی سیستمی الده ائدیب.

اکسپرت نیکولاس هراسین سؤزلرینه گؤره، ارمنیستان اؤزونون خاریجی و میللی تهلوکه‌سیزلیک سیاستینی ایکی ایستیقامت‌ده اینکیشاف ائتدیریر: آوراسییادا گوج‌لو اویون‌چولارلا مدافعه کوالی‌سییالاری یاراتماق، همچینین ائرمنیستان سلاح‌لی قوه‌لرینین آذربایجان آویاسییاسین‌دان مدافعه قابیلیتینی آرتیرماق.

«هیندیستان بؤیوک مدافعه صنایع‌سینه مالیک اولدوغو اوچون ارمنیستانین دیرلی مدافعه طرفداشیدیر. ارمنیستانین حربی آرسنالی اوزون مدتدیر کی، اساساً روسییا ایستحصالی ایدی، لاکین خصوصاً ده آذربایجانین اسرائیل و تورکییه ایستحصالی سلاحلاردان ایستیفاده ائتدیی ۲۰۲۰-جی ایلده باش وئرن محاربه‌دن سونرا مسکوا ایله مناسیبتلری پیسلشدیی اوچون ایروان بونو دییشمه‌یه چالیشیر. ایروانین مسکوانین رهبرلیک ائتدیی ک.ت.م.ت-یه عضو اولماسینا باخمایاراق، روسییا ارمنیستانا کمک ائده بیلمه‌ییب. روسییا اوکراینادا محاربه آپاریر و چوخ گومان کی، ارمنیستانین غربله یاخینلاشماسیندان قیجیق‌لاناجاق. ارمنیستانین روسییا ایله طرفداشلیغی تنزلده‌دیر و پاشینیان یاواش-یاواش، لاکین امینلیکله ارمنیستانی ناتو-یا یاخینلاشدیریر، او جمله‌دن تورکییه ایله مناسیبتلری نورماللاشدیرماق پرسپکتیوی وار.

واشینگتن و ایروان سنتیابر آیین‌دا ایکیطرف‌لی تعلیملر کئچیررکن مدافعه ساحه‌سینده داها سیخ علاقه‌لره قارشی‌لیقلی ماراق گؤستریبلر. روسییا گؤزلنیلدیی کیمی تعلیمه قارشی چیخدی و ایروان او واختدان مسافه‌نی قورودو. پاشینیان نویابرین اورتالاریندا ک.ت.م.ت ساممیتینه گئتمه‌دی و روسییا بونا گؤره غربی گناهلاندیردی. پاشینیان ارمنیستانین اراضی بوتؤولویونو و تهلوکسیزلیینی تعمین ائتمک اوچون روسییادان آسیلی اولماق ایستمیر و اونون آمریکا ایله مناسیبتلر قورماق سعیلری بو مقصده چاتماغا تهفه وئریر. باشقا اؤلکه‌لردن سلاح آلینماسی دا بو مقصده خیدمت ائدیر.

ارمنیستانین خاریجی سیاستینین قارشیسیندا دوران اساس پروبلم اودور کی، روسییا ایله علاقه‌لری کسه بیلمیر، عینی زاماندا آذربایجانلا یئنی محاربه باشلایارسا، روسییایا اعتبار دا ائده بیلمیر»، - مقاله‌ده قید ائدیلیب.

همچینین خاطیرلادیلیب کی، هیندیستان و فرانسانین ارمنیستانی سلاحلاندیرماسی باکی و آنکارانین تنقیدینه سبب اولوب.