قربین روسییایا قارشی تطبیق ائتدیی سانک‌سییالاردان یان کئچمک اوچون (یالنیز سلاح-سورسات مسئله‌سینه جدی نظارت ائدیرلر، اؤلکه‌لر ده شیمالی کره دن باشقا، کرئله سلاح ساتمیر) ائله قرب شیرکتلری اونلارلا مخانیزم تاپیبلار، همین شیرکتلر بیر نئچه اؤلکه‌دن، او جمله‌دن ائرمنیستاندان گئن-بول استیفاده ائدیرلر. ایروان کرمل اوچون «نفسلیک»لردن بیری رولونو اویناییر، اونا گؤره ده سؤزده «دالاشسالار» دا، عملده جدی امکداش‌لیقلاری داوام ائدیر.

Axar.az خبر وئریر کی، بو بارده اقتصادچی ناطیق جعفرلی قئید ائدیب.

او بیلدیریب کی، سون ۲ ایلده ارمنیستاندان روسییایا اخراج ۳ دفعه‌یه یاخین آرتیب، ایللیک قارشی‌لیقلی تجارت دؤورییه‌لری ۵ میلیارد دوللاری کئچیب:

«بئله «دوشمن‌چیلیک» اولمور. سون ۲ ایلده ارمنیستان روسییایا ۳،۷ میلیارد دوللارلیق ایکیلی تعییناتلی مال اخراج ائدیب - یاریمکئچیریجیلر، میکروسخئملر، الکترون آوادانلیقلار. ارمنیستان بو محصوللاری استحصال ائدیرمی - طبیعی کی، یوخ، روسییا ارمنیستاندا یئرلی شیرکتلر یارادیب راحتلیقلا ایشلییر. ایروان دا بابات پول قازانیر، اونا گؤره اودم آرتیمی اونلاردا تاریخی رئکوردلار وورور».

اکسپرت بیلدیریب کی، قرب روسییایا نفت و نفت محصوللارینی آلماغی قاداغان ائدیب، اما احتیاجلاری وار، هله سووئت دؤوروندن بعضی زاوودلار محض روسییا نفتینه اویغون اعمال تخنولوگییالاری ایله تجهیز ائدیلیب، چونکی روس نفتی داها آغیر نفت‌دیر، اعمالی بیر آز فرقلی‌دیر:

«بونا گؤره ده ماراقلی بیر سخئم دوشوندولر - هیندیستان روسییادان نفت آلیر، باشقا تانکره بوشالدیر و یا اعمال ائدیر و آوروپایا ساتیر. فورمال اولاراق بو آرتیق روس نفتی اولمور، قربین وجدانی «تمیز» قالیر، اما احتیاجینی دا اؤدمیش اولور.

۲۰۲۳-جو ایلین ایلک یاریسین‌دا هیندستان روسییادان ۲۰۲۲-جی ایلین عینی دؤورونه نیسبتا ۱۱ دفعه (!!!) چوخ نفت آلیب! روسییا بو ایلین ایلک ۶ آییندا هیندیستانا ۳۱،۶ میلیارد دوللارلیق مال (نفت/نفت محصوللاری) ساتیب، همین اؤلکه‌دن ایسه جمعی ۱،۷ میلیارد دوللارلیق مال آلیب - بئله‌لیکله، ۳۰ میلیارد دوللارا یاخین روسییانین لهینه موسبت سالدو یارانیب و بو وسایت هیندستان روپیسین‌ده بو اؤلکه‌نین بانکلارینا ییغیلیب. چونکی هیندستان مرکزی بانکی اونلاری کونوئرتاسییا ائدیب روسییایا اؤتورمه‌یه مانع اولاجاق قرار وئریب. هیندستان قرار وئردی کی، روسییا او روپیلره اؤلکه‌دن نه ایسته‌سه، آلیب آپارا بیلر.

سون آیلار هیندستان، ندنسه، ارمنیستانی یامان سئومه‌یه باشلاییب، آرد-آردینا سلاح آنلاشمالاری ایمضالاییر، سلاح گؤندریرلر. مگر ایروانین ایندی هیندستان‌دان سلاح آلماغا ایلده ۱ میلیارد دوللار آرتیق پولو وار؟! منجه، سخئم بئله‌دیر - روسییا هیندستان بانکلاریندا ایلیشه‌ن ۳۰ میلیارد دوللارلیق روپییه آرادا سلاح آلیب ارمنیستان آلیرمیش کیمی رسمیلشدیریب، ایروانا گؤندریر، سونرا دا همین سلاحلار روسییایا گئدیر، بعضی سلاح نؤولری، راکئتلر روسییانین استحصال ائتدیی اؤلچوده و کالیبرده‌دیر، حتی روسییا اوزرینده‌کی یازیلاری، نمره‌لری آسانلیقلا دییشیب اؤز مالی کیمی استیفاده ائده بیلر.

بئله‌لیکله، بو «هیند فیلمینی» جدی آراش‌دیرماق لازیمدیر، آذربایجانین رسمی اورقانلاری مثلاً بین الخالق گوندمه چیخارمالیدیرلار، چوخ گومان، اصل «بوللیوود» ستیلینده‌دیر، بیرینه ضربه دییر، ۱۵ متر او یاندا او بیریسی ییخیلیر...»