پرزیدنتین کمکچی‌سی حکمت حاجییئوین صلح دانیشیقلارینین یولونو آچان فکری ارمنیستان مخالفتینده گولونج رئاکسییا ایله قارشیلانیب.

Axar.az خبر وئریر کی، «شرفیم وار» فراکسیاسینین میللت وکیلی تیگران آبرامیان بو تکلیفی «تهلوکه‌لی» آدلاندیریب.

«بیر نئچه گون اول آذربایجانین اساس مأمورلاریندان بیری اولان حاجییئو کفایت قدر تهلوکه‌لی نتیجه‌لری اولان، اما گئنیش مذاکره اولونمایان آچیقلاما وئردی. او قید ائتدی کی، دمارکاسییا/دلیمیتاسییا پروسسی مرکب و اوزون سورور و ارمنیستان و آذربایجان آراسیندا دانیشیقلار سندیندن چیخاریلمالی و آیریجا مذاکره ائدیلمه‌لیدیر.

بو، فاکتیکی اولاراق او دئمکدیر کی، سرحد مسئله‌لری او قدر حل‌ائدیلمزدیر و یا طرفلر قارشی‌لیقلی راضی‌لیق الده ائتمک امکانیندان او قدر اوزاقدیرلار کی، اونو اساس سندین مذاکره‌سیندن کناردا و یا اونون یانیندا قویورلار.

بئله‌لیکله، هانسی‌سا مرحله‌ده هانسی‌سا سند امضالانسا بئله، او، یالنیز خوش نیتلی دکلاراتیو ماهیت داشییاجاق.

بیرینجی تهلوکه اودور کی، سرحد مسئله‌سینده درین پروبلملر یئنی اسکالاسییایا و یا پارتلاییشا گتیریب چیخارا بیلر کی، بونون علامتلری آذربایجانین اساس تبلیغات رسورسلاریندا متمادی اولاراق اؤز عکسینی تاپیر»، - آبرامیان سوسیال شبکه حسابیندا یازیب.

قید ائدک کی، سرحدین دلیمیتاسییا و دمارکاسییاسی ایللرله داوام ائد‌ن پروسسدیر و بو، بوتون دنیادا بو جور قبول ائدیلیر. مثلاً، آذربایجانلا گورجوستان بیر-بیرینین اراضی بوتؤولویونه حرمت ائدیر و تانییر، آنجاق سرحدین بعضی حصه‌لرینده هله ده کمیسیالار دقیقلشمه‌لر آپاریرلار.

بو باخیم‌دان آذربایجان طرفینین دلیمیتاسییا و دمارکاسییا پروسسینی صلح سازشیندن آییرماق تکلیفی بین‌الخالق حقوقا و نرمالارا اویغون، عینی زماندا، صلح سازشینین امضالانماسی ایستییندن دوغان مترقی ژستیدیر. بونون ایرواندا فرقلی قبول ائدیلمه‌سی ایسه یالنیز صلح سازشینه مانع اولماق اوچون ائدیلن مانیپولیاسییالاردیر.