صلح مقاوله‌سی هر شئیین ۱۰۰ فایز حلی دئمک دئییل.

Axar.az خبر وئریر کی، بونو آذربایجانین خارجی ایشلر ناظیری جیحون بایراموو آذ تی.وی-یه مصاحبه‌سینده بیلدیریب.

اونون سؤزلرینه گؤره، صلح مقاوله‌سی ایله باغلی بوتون اهمیتلی تشببوسلرین مؤلفی محض آذربایجاندیر.

«پروسس بیر طرفین ایستییندن، آرزوسوندان آسیلی دئییل. بورادا هر ایکی طرفین موافق آددیملار آتماسی اؤنملیدیر. آذربایجانین سووئرنلیی تام برپا اولوندوقدان سونرا بیز ارمنیستان سیاسی رهبرلیی طرفیندن سسلنن اسماریشلاری دقتله ایزلییریک. معین پوزیتیو اسماریشلاری دا ائشیدیریک. آنجاق پوزیتیو سؤزلرین و اسماریشلارین وئریلمه‌سی اؤنملی اولسا دا، اونلارین رئال ایشلره ترانسفورماسییا ائدیلمه‌سی داها اؤنملی مقامدیر».

ناظیر بیلدیریب کی، رسمی باکی جاری ایلین نویابر آیینین سونوندا ایرواندان صلح مقاوله‌سی اوزره نوبتی تکلیفلر پاکتینی آلیب:

«بیر آی عرضینده طرفیمیزدن ایشلنمیش تکلیفلر پاکتی ارمنیستانا تقدیم اولونوب. پروسس داوام ائدیر. دوشونورم کی، ۲۰۲۴-جو ایلده گؤروشلر کئچیریلجک. بیز بو مسئله‌یه رئال و نیکبین باخیریق. عینی زماندا بیز صلح مقاوله‌سی باره‌ده دانیشارکن باشا دوشملییک کی، بو، هر شیین ۱۰۰ فایز حلی دئمک دئییل. بو، اؤلکه‌لر آراسیندا مناسبتلرین انکشاف ائتدیریلمه‌سینین اساسینی قویا بیلر.

بیر گونون ایچریسینده آذربایجان-ارمنیستان مناسبتلری، آذربایجان-گورجوستان مناسبتلری سویه‌سینه قدر یوکسله بیلمز. آنجاق ان آزیندان نرمال قونشولوق مناسبتلرینین اساسینین قویولماسی و ایکی اؤلکه آراسیندا آچیق مناسبتلرین حلینین پرینسیپلرینی معیینلشدیرن بیر سازش اولا بیلر و اولمالیدیر».