رسمی ایروان گلن ایل تبریزده باش کونسوللوق آچاجاق. ایرانین خاریجی ایشلر ناظری حسین عبداللهیان ایروانا سفری زامانی بونا راضی‌لیق وئردیکلرینی اعلان ائتدی.

ارمنیستان کونسوللوغونون تبریزده - آذربایجان شهرینده آچیلماسینین کونسوللوق خیدمتلری ایله علاقه‌سینین اولمادیغی و بیرباشا سیاسی مقصدلره حسابلاندیغی بللی‌دیر.

بیرینجی‌سی، ۲ میلیون اهالینین یاشادیغی تبریزده «بارون آواک» آدلانان یالنیز بیر ارمنی محله‌سی وار و بورادا دا جمعی مین نفره یاخین ارمنی یاشاییر؛
ایکینجی‌سی، ارمنیلر کمپاکت شکیلده اصفهان‌دا یاشاییر و بورا ایرانین ایکینجی ان بؤیوک شهریدیر.

مقصد حقیقتا ده کونسوللوق خیدمتینین گؤستریلمه‌سیدیرسه، ارمنیستان بونو جمعی مین نفرین یاشادیغی تبریزده یوخ، ارمنیلرین کومپاکت یاشادیغی و ایرانین ان بؤیوک ایکینجی شهری اولان اصفهاندا آچمالیدیر، رسمی تهران دا ایروانا تبریزی یوخ، اصفهانی توصیه ائتمه‌لیدیر. واختیله تبریزده کونسوللوق آچماغیمیزا مختلیف بهانه‌لرله مانع اولان ایران آذربایجانا کونسوللوغو ایکینجی بؤیوک شهر اولان اصفهان‌دا آچماغی توصیه ائدیردی.

ارمنیستان کونسوللوغونون محض تبریزده آچیلماسی ایستیینین ایروان‌دان داها چوخ، تهرانین ایستیی اولدوغو دا استثنا دئییل. بونونلا میللی حرکاتین مرکزی اولان تبریزله باغلی ایستدیکلری قراری وئره بیلدیکلرینین مساژینی وئریرلر.