باکینین ادعا ائتدیی ۸ سرحد کندی ایله باغلی مسئله‌نین حلی اوچون ایکی واریانت وار.

Axar.az خبر وئریر کی، بو سؤزلری ارمنیستانین اراضی ایداره‌ائتمه و اینفراستروکتور ناظری قنئل سانوسیان یئرلی مئدیایا آچیقلاماسیندا دئییب.

او بیلدیریب کی، بو کندلرین اراضیلری دقیق معین ائدیلمه‌لی، حقوقی اساسلاری دقیق‌لشدیریلمه‌لیدیر:

«بوندان سونرا ایکی پروسس گئده بیلر: یا مبادیله و یا اراضی تنظیمله‌نمه‌سی، یا دا سرحدلرین دلیمیتاسییاسی و دمارکاسییاسی پروسسین‌ده مسئله‌نین مذاکیره‌سی».

او قید ائدیب کی، صحبت تاووش بؤلگه‌سینده اولان ۷ (قازاخین کندلری – رئد.) و ناخچیوانین کرکی کندیندن گئدیر:

«زنگزورا گئدن اساس یول اوردان (کرکی کندیندن) کئچیر. آذربایجان ارمنیستانی بو کندلری اشغال ائتمک‌ده اتهام ائدیر. اؤز نؤوبه‌سینده ایروان بیلدیریر کی، همین تاووش رایونوندا آذربایجانین اشغال ائتدیی اراضیلر وار».