یوخاری

پاشینیانین بو مصاحبه‌سی تأسف دوغورور - خارجی ایشلر ناظیرلیی

آنا صحیفه سیاست
12 Punto 14 Punto 16 Punto 18 Punto

فورالین ۱۱-ده ارمنستانین باش ناظیری نیکول پاشینیان "تلگراف" قزئتینه وئردیی مصاحبه زمانی آذربایجانا قارشی نوبتی دفعه بهتان کاراکترلی اساسسیز ادعالار سسلندیریب.

Axar.az خبر وئریر کی، بو آذربایجان خارجی ایشلر ناظیرلیینین پاشینیانین مصاحبه زمانی سسلندیردیی ادعالارا دایر شرحینده یئر آلیب.

"مصاحبه زمانی، بین‌الخالق راضیلیقلارین و عهده‌لیکلرین یئرینه یئتیریلمه‌سینی تشویق ائد‌ن ارمنیستان باش ناظیرینین تمثیل ائتدیی اؤلکه‌سینین بین‌الخالق حقوقون بوتون نرما و پرینسیپلرینه، هابئله استناد ائتدیی آلماتی بیاننامه‌سینه مرام و مقصدلرینه ضد اولاراق آذربایجان اراضیلرینی ۳۰ ایله یاخین مدتده اشغال آلتیندا ساخلاماسی فاکتینین اوزریندن کئچمه‌یه چالیشماسی تأسف دوغورور.

بونونلا یاناشی، ۴۴ گونلوک وطن محاربه‌سیندن سونرا ارمنیستانین اوچ‌طرفلی بیاناتین مدعالارینی کوبود شکلده پوزاراق، آذربایجان اراضیلریندن اشغالچی قوه‌لری چیخارماماسی، اراضیلریمیزه سلاح-سورسات، حربی تکنیکا و مینالاری اؤتورمکده داوام ائتمه‌سی و دیگر کوبود پوزونتو و تخریباتلار تؤرتمه‌سی باره‌ده دانیلماز فاکتلار ارمنیستان طرفینین اصل نیتیندن خبر وئریر.

ارمنیستان باش ناظیرینه همچینین یاخشی معلومدور کی، ارمنیستان طرفی پراگا و سوچی گؤروشلرینده و داها سونرا آذربایجانین اراضی بوتؤولویونو تانیدیغینی بیان ائتسه ده، آذربایجان اراضیلرینده یاراتدیغی قوندارما رژیمین ساختا «مستقللیی» ایله باغلی ۲۰۲۳-جو ایلین سنتیابر آیندا تبریک بیاناتلاری وئرمکله یاناشی، بو گونه‌دک بین‌الخالق تشکیلات و محکمه‌لرده آذربایجانین سووئرنلیی و اراضی بوتؤولویونه قارشی ادعالاری داوام ائتدیرمکده‌دیر.

ارمنیستان طرفینین آلماتی بیاننامه‌سینه قوشولان زمان وئردیکلری قید شرطی، قاراباغی آذربایجانین ترکیب حصه‌سی کیمی تانیماغا قارشی چیخان قوه‌ده اولان قانون‌وئریجیلیک آکتلارینین موجودلوغونو اونوتدورماغا چالیشماسی دا دیگر جدی ناراحاتلیق منبع‌ییدیر.

ارمنیستان طرفی بو کیمی تخریباتلار و آذربایجانا قارشی سیاسی مانیپولیاسییا دولو فکرلر و آددیملار عوضینه، سؤزده دئییل، عملده بین‌الخالق عهده‌لیکلره رعایت ائتمه‌لی و صلح پروسسینه تحفه وئرمه‌لیدیر"، - خارجی ایشلر ناظیرلییندن بیلدیریلیب.

تاریخ
2024.02.13 / 09:38
مولف
Axar.az
شرح لر
دیگر خبرلر

آذربایجان و عراقین خاریجی ایشلر ناظیرلری گؤروشدو

باکی بونون طرفداری اولدوغونو تصدیقلییر - لاوروو

جیحون بایراموو آ.ت.ت-این باش کاتیبی ایله گؤروشدو

اردوغانین فوروم‌دا مساژی: ایروانین جهدی آلینمادی

جیحون بایراموو پانلده چیخیش ائتدی

ایلهام علیئوین ائدی راما ایله گئنیش ترکیبده گؤروشو اولدو

بین‌الخالق سیستم چؤکور - بایراموو

جنوبی قافقازدا آرتیق دئ-فاکتو صلح… - حاجییئو

بایراموولا لاوروو آنتالیادا گؤروشدو

گلستان سارایین‌دا مهم اجلاس: پرزیدنت چیخیش ائتدی

خبر خطّی
Axar.az'da reklam Bağla
Reklam
Bize yazin Bağla