پرزیدنت ایلهام علیئوین آندایچمه مراسمینده چیخیشی ۱۰ یانوار ۲۰۲۴-جو ایلده یئرلی مدیایا مصاحبه‌سینده‌کی یول خریطه‌سینین اینجه‌لیکلرینین و دقیق معین ائدیلمیش پریوریتت استقامتلرین اعلانی باخیمیندان اولدوقجا مهم‌دور.

بو سؤزلری Axar.az-آ آچیقلاماسیندا «تلگراف» مدیا گروپونون رهبری، پولیتولوق آینور جمال ۱۴ فورال ۲۰۲۴-جو ایلده پرزیدنت ایلهام علیئوین آندایچمه مراسمینده‌کی چیخیشینا مناسبت بیلدیررکن دئییب.

پولیتولوق بیلدیریب کی، چیخیش آندایچمه مراسمی اوچون نظرده توتولان قلیبلردن تمامیله کنارا چیخماقلا، یالنیز کئچیلن دؤورون حساباتی و وعدلر دئییل، بوتؤولوکده استراتگییا، ایدئولوگییا و خارجی-داخلی سیاست پریوریتتلری اوزرینده قورولموشدو:

«پرزیدنت ایلهام علیئو گلجک فعالیت اوچون ایری‌حجملی پروگرامی اعلان ائتدی و بوردا اولدوقجا اینجه مقاملار واردی. ان دقت‌چکن مسئله‌لردن بیری حتی ارمنیستانلا صلح سازشینین امضالانماسیندا «آذربایجانین تلسمه‌سی» باره‌ده ادعالارین قطعیا دوغرو اولمادیغینین ایفاده‌سی ایدی. پرزیدنت ارمنیستانین صلح سازشینی اوزاتماق اوچون مانیپولیاتیو سیاستینین اونون اؤزونه زیان ووراجاغینا اشاره ائد‌رک، ملی ماراقلار باخیمیندان هئچ بیر گذشت اولمایاجاغینین آنونسونو وئردی. بئله‌لیکله، صلح دانیشیقلاری اوزریندن آذربایجانا تضییقلر گؤسترمه‌یه جهد ائد‌نلره آچیق مساژ وئریلدی: هئچ بیر حالدا شرطلر قبول ائدیلمه‌یه‌جک و تضییق آلتیندا هر هانسی صلح باغلانمایاجاق».

پولیتولوقون سؤزلرینه گؤره، بو بیاناتین پراکتیک اعلانی ۱۳ فورالدا دولت سرحد خدمتینین کئچیردیی قصاص عملیاتیندا وئریلمیشدی:

«۱۲ فورالدا – سئچکیلردن درحال سونرا آذربایجانا قارشی تؤردیلن تخریبات سانکی «نبض یوخلاماغا» حسابلانمیشدی: سئچکی‌دن بیر گون سونرا آوروپا بیرلیی شوراسی پرزیدنتی شارل میشلین زنگی و دانیشیقلاری بروکسلده داوام ائتدیرمک خواهشینین مثبت جوابلاندیریلماسی یئنی پرسپکتیو وعد ائدیردی. لاکن ارمنیستان و اونون آرخاسینداکی گوجلر آذربایجانین مثبت رئاکسییاسیندان اؤز ماراقلاری اوچون استفاده ائتمک، میشلین واسطه‌چی‌لیی ایله ممکون گؤروشده گوندم معیینلشدیرمک و مذاکره موضوع-سو «تاپماق» پلانی قوردولار. سرحدده یارادیلان صونعی گرگینلیک بیر طرفدن آذربایجان پرزیدنتینین آیلاردیر سرحدده هئچ بیر اینسیدنت اولماماسی سؤزونه قارشی یؤنلمیشدیسه، دیگر طرفدن قوشونلارین گوزگولو حالدا گئری چکیلمه‌سی تکلیفینی آکتواللاشدیرماق و «بیر-بیرینه هجوم ائتممک باره‌ده سازش» کیمی آبسورد تشببوسو گوندمه گتیرمک اوچون ایدی. تصادفی دئییل کی، نیکول پاشینیان بریتانییا نشرینه مصاحبه‌سینده حتی بئله بیر سازشین باغلاندیغی حاقدا «ایرلی‌گئدن» یالان دا دانیشمیشدی. دولت سرحد خدمتی قصاص عملیاتی ایله آذربایجانین بو جور مانیپولیاسییا و تضییق جهدلرینه نئجه رئاکسییا وئریلجیینی میداندا گؤستردی، پرزیدنت ایسه بو قصاصین آرخاسیندا سیاسی اراده‌سینین اولدوغونو و بونون ماسادا دا ان سرت شکلده قوروناجاغینی آندایچمه مراسمینده بوتون دنیایا اعلان ائتدی».

آینور جمال پرزیدنت ایلهام علیئوین خارجی سیاست پریوریتتلری باخیمیندان اولدوقجا مهم بیر استقامته توخوندوغونو دا بیلدیریب:

«آوروپا شوراسی پارلامنت آسامبلیاسی-نین غیر کونستروکتیو، ارمنی‌پرست و آنتی‌آذربایجان موقعییندن سونرا آذربایجانین «روسیا موقعیینه سیخیشدیریلماسی» حاقدا غریبه بیر رای یارانمیشدی و بعضی پولیتولوقلار دنیانین شکیللندیی، اؤلکه‌لرین طرفلرینی بللی ائتدیی بیر واختدا باکینین ایسته‌ییب-ایستمه‌مه‌سیندن آسیلی اولمایاراق، «قطبلردن بیرینه» یئرلشدیریلمه‌سینه چالیشیلدیغینی ادعا ائدیردیلر.

ایلهام علیئو ایسه «بیزیم عائله‌میز تورک دنیاسیدیر» دئیه آچیق، دوروست و کونکرت بیر مؤقع اورتایا قویدو. البته کی، بو، قونشولارلا یوکسک سویه‌لی مناسبتلرین قورونوب ساخلانماسی و انکشاف ائتدیریلمه‌سینه مانع اولمور. آنجاق ایلهام علیئو آذربایجانین حاضردا دوزنلنه‌ن دنیا نظامینداکی یئرینی قطعی گؤستردی. پرزیدنت قید ائتدی کی، بو، بؤیوک جغرافیا، حربی گوج، اقتصادی پتنسیال، طبیعی ثروتلری اولان، لوگیستیک اهمیت داشییان و نقلیات دهلیزلرینین کئچدیی اؤز عائله‌میزدیر.

«بیزیم باشقا عائله‌میز یوخدور» سؤزونون سیاسی چکیسی ایسه مثلسیزدیر. بئله‌لیکله، «آوروپا عائله‌سی» دوشونجه طرزینه قارشی ایلک دفعه اولاراق ایلهام علیئو «تورک عائله‌سی» ترمینینی سیاسی کنتکتده لکسیکونا داخل ائتدی و بو، تصادفی دئییل.

خاطیرلایاق کی، ایلک دفعه ۲۰۰۹-جو ایلده بو استقامتده اهمیتلی آددیم آتیلمیشدی، محض ناخچیواندا تورک دولتلرینین ساممیتی کئچیریلمیشدی. یعنی آذربایجان بو تاریخی، ملی، دیل و دین بیرلیی اولان عائله‌نین فورمالاشماسی اوچون هله ایللر اؤنجه استراتگییا حاضیرلامیشدی، ایندی ایسه دنیانین قارشیدورما طرفلریندن بیرینه چئوریلن و رفاه یوخ، بیر گروپ اؤلکه‌نین الینده سیاسی-حربی تأثیر ریچاغی کیمی استفاده ائدیلن، غیر-اوبیکتیو، غرضلی قرارلاری ایله شانتاژ واسطه‌سینه چئوریلن «آوروپا عائله‌سی»نین قطعیا هدفیمیز اولمادیغینی و آلترناتیوین اولدوغونو گؤستردی».

پولیتولوقون سؤزلرینه گؤره، یاخین دؤنمده تورک اؤلکه‌لری آراسیندا اینتگراسییانین سرعتلنجیینه جمعیت اولاراق حاضیرلاشمالییق:

«پرزیدنت عائله‌میزین هارادا اولدوغونو سیاسی باخیمدان دا اعلان ائتدی، ایندی اجتماعی تشکیلاتلار، مدیا اولاراق بو استقامتده فعالیتیمیزی گوجلندیرمییمیز طلب اولونور. خصوصیله اورتا آسییا اؤلکه‌لری ایله انسیتین گئنیشلنمه‌سی، اورتاق اجتماعی لایحه‌لر، غیر-حکومت سکتورونون بو استقامته اهمیتلی درجه‌ده یؤنلمه‌سی پریوریتتیمیزه چئوریلمه‌لیدیر».

آینور جمال اونو دا وورغولاییب کی، هم مدافعه صنایع‌سی، هم ده سرحدلرین قورونماسیندا فرقلی ایستروکتورون فورمالاشماسی دا پرزیدنتین هدفلریندن بیریدیر:

«او جمله‌دن ۲۰۲۰-جی ایل ۱۰ نویابریندان سونرا باشلایان ایری‌مقیاسلی قوروجولوق ایشلرینین و آزاد ائدیلن اراضیلرده مسکونلاشمانین یئنی دؤنمده داها سرعتلی حال آلاجاغی دا بللی اولدو. قارشیداکی ۷ ایلده بو پروسسین بؤیوک بیر حصه‌سینین تماملانماسینی گؤزله‌یه بیلریک. قاراباغ و شرقی زنگزور رگیونونون اؤلکه اقتصادیاتینا اینتگراسییاسی ایله یئنی اقتصادی فرصتلرین اورتایا چیخاجاغی دا شبهه‌سیزدیر».

پولیتولوق اونو دا خاطیرلادیب کی، نفت و گاز صنایع‌سی ایله باغلی پرزیدنتین فکرلری هم ده خارجی گوجلره نوبتی مساژ ایدی:

«البته کی، آذربایجانین نفت-گازدان آسیلیلیغینین آزالدیلماسی استقامتینده فعالیتی گوجلنیر و داوام ائد‌جک. بونا باخمایاراق، پرزیدنت ایلهام علیئو نفت و گاز پتنسیالینین هانسی سویه‌ده اولدوغونو ایستاتیستیکا ایله وورغولاماقلا، آذربایجانین هله اوزون اونیللر آوروپانین انرژی تهلوکه‌سیزلیینده مهم رول اوینایاجاغینا اشاره ائتدی، همچینین بو، «آوروپا عائله‌سی»نین «تورک عائله‌سی»ند‌ن لوگیستیکا، دهلیزلر، انرژی ده داخل اولماقلا، چوخ‌سایلی آسیلیلیغینا وورغو ایدی. یعنی دنیانین «بیزیم عائله»یه احتیاجی وار، بیزیم دئییل».