آوروپا بیرلیی شوراسینین پرزیدنتی شارل میشلین آذربایجاندا پرزیدنت سئچکی‌سیندن درحال سونرا ایلهام علیئوه زنگ ائتمه‌سی، بو گون ایسه ارمنیستانین باش ناظیری نیکول پاشینیانلا تلفونلا دانیشماسی بروکسلین لیدرلرین نوبتی گؤروشونو تشکیل ائتمه‌یه حاضرلیقلا باغلیدیر.

Axar.az خبر وئریر کی، بو سؤزلری پولیتولوق ائلخان شاهین‌اوغلو دئییب.

اونون سؤزلرینه گؤره، شارل میشل یاخین گونلرده ایلهام علیئوله نیکول پاشینیانی بروکسله دعوت ائتمک ایستییر:

«آلمانییا کانسلری اولاف شولستون مونحن تهلوکه‌سیزلیک کنفرانسیندا ایلهام علیئو و نیکول پاشینیانلا گؤروش تشکیل ائتمه‌سی شارل میشلین ایشینه یاراییب. مونحنده لیدرلر بروکسلده داها اول الده ائتدیکلری راضیلاشمالارا صادق قالدیقلارینی بیلدیردیلر. شارل میشل بروکسل گؤروشونو تشکیل ائتمه‌یه چالیشسا دا، بونون حاضرلیقلارینی دا سرعتلندیرمه‌لیدیر. یعنی بروکسل مذاکره‌سی ساده‌جه گؤروش خاطرینه اولمامالیدیر، هانسی‌سا نتیجه‌یه کؤکله‌نمک لازمدیر. آیدیندیر کی، نوبتی گؤروشده لیدرلرین صلح سازشی امضالاماسی پروبلماتیکدیر. آنجاق بروکسل مذاکره‌لرینده معین ایرلیلییش الده ائدیلمه‌سی واجبدیر، اورتاق بیاناتین قبولو ممکوندور. چونکی اورتامی یومشالتماغا احتیاج وار، محاربه هئچ کیمین ماراقلارینا جواب وئرمیر».