آنا صحیفه سیاست |
ارمنیستانین باش ناظری نیکول پاشینیانین فرانسانین «فرانس ۲۴» تلهکانالینا وئردیی مصاحیبهده یئنیدن اؤلکهمیزه قارشی سسلندیردیی اساسسیز ادعالار بؤلگهده قصداً گرگینلیک یاراداراق، صولح پروسسینه نوبتی ضربه وورماق مقصدی داشیییر.
Axar.az خبر وئریر کی، بو بارهده آذربایجان خاریجی ایشلر ناظیرلییندن بیلدیریلیب.
"آلمانییا کانسلرینین تشببوسو ایله لیدرلر آراسیندا کئچیریلمیش سونونجو گؤروشدن سونرا ارمنیستان طرفیندن بو کیمی آچیقلامالار وئریلمهسی و بونون اوچون مکانین محض فرانسا اولاراق سئچیلمهسی، آلمانییانین سعیلرینه ارمنیستان طرفیندن حرمتسیزلیک اولماقلا، فرانسا طرفیندن صولح پروسسینه داوام ائدن منفی تاثیرلرین گؤستریجیسی کیمی قیمتلندیریلیر.
گویا آذربایجانین ارمنیستانا قارشی هجوما حاضیرلاشماسی، آذربایجانین بینالخالق حقوقون پرینسیپلرینه عمل ائتمدیی کیمی ادعالار موجود فاکتلارین آچیق-آشکار تحریف اولونماسی و بینالخالق اجتیماعیتی چاشدیرماق مقصدی داشیییر.
سون زامانلار کوتلوی حربیلشمه سیاستی آپاران، بؤلگهده ۵ آیا یاخین داوام ائدن ثابتلییی پوزان ارمنیستان طرفینین بو آددیملاری اؤرت-باسدیر ائتمک مقصدیله، «غربی آذربایجان اجماسی» اوزره چاغیریشلاری، ائلجه ده محض ارمنیستانین اساسسیز بیاناتلارینا وئردیی جوابلاری بهانه کیمی گتیرهرک اؤلکهمیزین محاربهیه حاضیرلاشدیغینی ادعا ائتمهسی تمامیله اساسسیزدیر.
سوورنلیک و اراضی بوتؤولویونون تانینماسینا، آذربایجان-ارمنیستان آراسیندا سرحدلرین دلیمیتاسییاسی مسئلهسینده ۱۹۹۱-جی ایل آلما-آتا بیاننامهسینه، بؤلگهده نقلیات و اقتصادی علاقهلرین قورولماسی اوچون اؤلکهلرین سوورنلییی، یوریسدیکسییاسی و برابرلییی پرینسیپلرینه حرمتله یاناشیلماسینین اهمیتینه وورغو ائدن باش ناظر ارمنیستانین بو پرینسیپلری ۳۰ ایلدن آرتیق مدتده پوزماسینی اونودوب. ارمنیستاندان فرقلی اولاراق، ۴۴ گونلوک محاربهدن درحال سونرا محض آذربایجان ارمنیستانا ۵ بازا پرینسیپی اساسیندا صولح تکلیف ائدیب. ارمنیستان ایسه اؤلکهمیزه قارشی داوام ائتدیردیی ادعالارلا بو پرینسیپلری پوزماقدا داوام ائدیر.
هر کسه یاخشی معلومدور کی، ارمنیستانین کونستیتوسییاسیندا، قوهده اولان قانون وئریجیلیک آکتلاریندا، رسمی مکتوبلاریندا و بیاناتلاریندا، بینالخالق تشکیلاتلار و محکمهلرده یایدیغی سندلرده آذربایجانین اراضی بوتؤولویونه قارشی ادعالارین داوام ائتمهسی ارمنیستان رهبرلیینین آذربایجان-ارمنیستان صولح گوندلیینین ایرلی آپاریلماسیندا ماراقلی اولمادیغینی تصدیق ائدیر.
مختلیف بینالخالق پلاتفورمالاردان ایستیفاده ائتمکله اؤلکهمیزه قارشی آقرسیو بهتان کاراکترلی ریتوریکانی داوام ائتدیرهن ارمنیستان طرفینه صولح پرسپکتیولرینه خلل گتیرن آچیقلامالاردان ال چکمهیه و جنوبی قفقاز رگیونونون صولح و امکداشلیق مکانینا چئوریلمهسی اوچون یارانمیش امکانلاردان ایستیفاده ائتمهیه چاغیریریق"، - خاریجی ایشلر ناظیرلیییندن قید اولونوب.
تاریخ
2024.02.23 / 16:05
|
مولف
Axar.az
|