آذربایجان پرزیدنتی ایلهام علیئو تورکیه‌لی همکاری رجب طیب اردوغانی ۷۰ ایللیک یوبیلئیی مناسبتیله تبریک ائدیب.

Axar.az مکتوبون متنینی تقدیم ائدیر:

"حرمتلی جناب پرزیدنت،

عزیز قارداشیم.

علامتدار یوبیلئیینیز – آنادان اولماغینیزین ۷۰ ایللیی مناسبتیله اؤز آدیم‌دان و آذربایجان خالقی آدیندان سیزه ان صمیمی تبریکلریمی و خوش آرزولاریمی یئتیرمکدن خصوصی ممنونلوق دویورام.

سیزین عؤمور یولونوز وطنه و خالقا صداقت و لیاقتله خدمت نمونه‌سیدیر. سیز قارداش تورکیه‌نین رفاهی، بوگونکو انکشافی، بین‌الخالق عالم‌ده لایقلی یئر توتماسی نامینه فداکارجاسینا چالیشان بؤیوک شخصیت، زمانه‌میزین گؤرکملی دولت خادمیسینیز. سیز اوزرینیزه دوشه‌ن مسئول تاریخی میسیانی اینام و قطعیتله یئرینه یئتیررک، اوزاق‌گؤرن و مقصدیؤنلو سیاستینیزله اؤلکه‌نیزی دنیانین ان آپاریجی و قدرتلی دولتلری سیراسینا چیخارمیسینیز. تورکیه‌نین سون اییرمی ایلده الده ائتدیی مهم نائلیتلری و اوغورلاری محض سیزین آدینیزلا باغلی‌دیر.

بو گون سیزین مدریک رهبرلیینیز آلتیندا تورکیه رسپوبلیکاسی انکشافینین ایکینجی یوزیللیینه قدم قویور. بو یولدا قارداش اؤلکه‌یه قارشی‌سینا قویدوغو بوتون هدفلره و مقصدلره چاتماغی، یئنی موفقیتلره و ظفرلره امضا آتماغی آرزولاییریق.

عزیز قارداشیم،

سیز آذربایجان خالقینین دا اصل دوستوسونوز. آذربایجانا قلبا باغلیلیغینیز اؤلکه‌میزین اراضی بوتؤولویونه دائمی دستیینیزده، آذربایجان-تورکیه قارداشلیغینین محکملنمه‌سینده، متفقلییمیزین سارسیلمازلیغی نامینه مثل‌سیز خدمتلرینیزده اؤز ایفاده‌سینی تاپمیشدیر. آذربایجانین حاق ایشی ایله باغلی هر زمان اورتایا قویدوغونوز قطعی و بیرمعنالی مؤقع، وئردیینیز ترددسوز دستک خالقیمیز طرفیندن خصوصی منتدارلیق حسی ایله خاطیرلانیر.

سئچکیلردن سونرا عنعنه‌یه صادق قالاراق ایلک رسمی سفریمی دعوتینیز اساسیندا محض قارداش تورکیه‌یه حیاتا کئچیرمییم بیرلییمیزین و متفقلییمیزین بارز گؤستریجی‌سیدیر. بو دعوته و سفریم زمانی منه و نماینده هیئتینه گؤستردیینیز یوکسک دقت و قوناق‌پرورلییه گؤره سیزه بیر داها درین منتدارلیغیمی بیلدیریرم. سیزینله صمیمیت، قارشی‌لیقلی آنلاشما شرایطینده کئچه‌ن گؤروشوموزو، ایکی‌طرفلی مناسبتلرین گئنیش اسپکتری و امکداشلیغیمیزین پرسپکتیولری اطرافیندا آپاردیغیمیز اطرافلی فکر مبادله‌سینی یوکسک قیمتلندیریرم.

امینم کی، اورتاق تاریخیمیزدن، زنگین ملی-معنوی دیرلریمیزدن، خالقلاریمیزین قارداشلیغیندان و بیرلییندن گوج آلان دنیادا بنزری اولمایان مناسبتلریمیز بوندان سونرا دا بیرگه سعیلریمیزله «بیر ملت، ایکی دولت» پرینسیپینه اویغون اولاراق انکشاف ائد‌جک و محکملنه‌جکدیر.

حیاتینیزین بو سئوینج‌لی گونو مناسبتیله سیزی بیر داها اورکدن تبریک ائدیر، سیزه و عائله‌نیزه محکم جانساغلیغی، اوزون عؤمور، خوشبختلیک، قارداش تورکیه خالقینین امین-آمانلیغی و فراوانلیغی نامینه مسئول و شرفلی فعالیتینیزده دائم یئنی-یئنی اوغورلار و نائلیتلر آرزولاییرام".