بلاروس پرزیدنتی آلکساندر لوکاشنکو بو گون کئچیریله‌ن پارلامنت سئچکیلرینده سس وئردیکدن سونرا ژورنالیستلرین سواللارینی جوابلاندیریب.

Axar.az خبر وئریر کی، بلاروس پرزیدنتی واختیله ارمنیستان-آذربایجان مناقشه‌سینین صلح یولو ایله حلی استقامتینده واسطه‌چی رولونو اویناماسیندان دانیشیب.

لوکاشنکونون سؤزلرینه گؤره، آذربایجان پرزیدنتی ایلهام علیئو بیر نئچه ایل عرضینده صلح یولو ایله نظاملانمایا چاغیریش ائتمکله یاناشی، ارمنیستان طرفینه مالیه دستیی ده تکلیف ائدیب:

«من اؤزوم ده بیلمه‌دن واسطه‌چی اولدوم - باکی‌دان ایروانا گئتدیم و بو تکلیفی چاتدیردیم. آذربایجان زنگین اؤلکه‌دیر. ارمنیستان اقتصادیاتینا میلیاردلارلا دلارا قدر اینوستیسییا تکلیفی واردی... بو مسئله‌نین صلح یولو ایله حلی اوچون چوخلو تکلیفلر اولوب».

لوکاشنکو دئییب کی، ارمنیستانین اولکی رهبرلیی صلح یولو ایله نظاملانمایا راضی اولماییب و پروبلملی مسئله‌لر ییغیلیب قالیب:

«بوتون بونلار نیکول ووایئویچ پاشینیانین، اونون حکومتینین اوزرینده قالیب. باش وئرنلره گؤره اصلینده اونون گناهی آزدیر. اما بو پروبلمی حل ائتمک لازم ایدی» - دئیه، بلاروس دولتینین باشچی‌سی بیلدیریب.

«یاخشی، بیز محاربه‌نی باشا ووردوق. بیزیم مؤوقعییمیز نئجه اولمالی‌دیر؟ ارمنیلر بیزیم عزیزلریمیز، عزیز خالقیمیزدیر. آذربایجان یاد اؤلکه‌دیر؟ اونا گؤره ده بو وضعیته دوشدوک. کلکتیو تهلوکه‌سیزلیک مقاوله‌سی تشکیلاتی-نین بو مناقشه‌یه جلب ائدیلمه‌سی اوچون هئچ بیر سبب یوخ ایدی »، - لوکاشنکو وورغولاییب.

او، بو موضوع‌نون بیر نئچه دفعه مذاکره اولوندوغونو و کلکتیو تهلوکه‌سیزلیک مقاوله‌سی تشکیلاتی-نین بوتون عضولری اوچون آذربایجانین خارجی اؤلکه اولمادیغینی قید ائدیب:

«کلکتیو تهلوکه‌سیزلیک مقاوله‌سی تشکیلاتیندا چوخلو مسلمان اؤلکه‌لری وار. بونو سیز ده باشا دوشورسونوز. بو قسما موافق مؤقع‌دیر. اوچونجوسو، بیزیم ارمنیستان اؤزو آذربایجانلا آراسینداکی محاربه‌یه قاریشماغیمیزی ایستییردیمی؟ حساب ائدیرم کی، آذربایجان و ارمنیستان، تأسف کی، محاربه یولو ایله سوندا مسئله‌نین دوزگون حلینه گلیبلر».

لوکاشنکو ارمنیستانین فرانسا ایله علاقه‌لرینه ده اشاره ائدیب:

«اونلار هر زمان اورادا، فرانسادا امانوئل ماکرونلا علاقه ساخلاییرلار. سونراکی بیاناتلار واردی: فرانسا هوا هجوموندان مدافعه سیستملری، حربی ساحه‌ده و اقتصادیاتدا ارمنیستانا کمک ائد‌جک، عمومیتله، ایروانی چینینه آلیب داشییاجاق. هئچ کیم هئچ کیمی چینینده داشیمایاجاق. فرانسادا باش وئرنلری گؤرورسوز. اونا گؤره ده ایروانداکی سیاست‌چیلر آییلمالی و انسانلارین دئدیی کیمی، صاحب اولدوقلارینی دا ایتیرمملیدیرلر».