تورکیه جمهورباشقانی رجب طیب اردوغان پرزیدنت سئچکی‌سینده اولدوغو کیمی، بلدیه سئچکی‌سینده ده فاکتیکی رقیبلرینه قارشی کامپانییانی تکباشینا آپاردی، شهرلری گزدی، میدانلاردا نطقلر سؤیله‌دی. آنجاق بو دفعه آلینمادی. اردوغانین کئچمیشده پارتییاسی اوچون ایشلتدیی «متال یورغونلوق» افاده‌سی حیاتا وثیقه قازاندی.

Axar.az خبر وئریر کی، بو سؤزلری پولیتولوگ الخان شاهین‌اوغلو ۳۱ مارتدا تورکیه‌ده کئچیریله‌ن بلدیه سئچکیلرینین ایلکین نتیجه‌لری حاقدا قید ائدیب.

او بیلدیریب کی، حاکم عدالت و انکشاف پارتیاسی لیدرلیی از‌لی رقیبی جمهوریت خالق پارتییاسینا وئردی:

«اردوغانین حاکم پارتییانی سیلکه‌له‌مه‌سی لازمدیر، عکس حالدا جمهوریت خالق پارتییاسینین ۲۰۲۸-جی ایل پرزیدنت سئچکیلرینده غلبه شانسی آرتاجاق. اردوغان همین سئچکی‌ده اشتراک ائتمه‌یه‌جک، منصور یاواشین آنکارادا، اکرم امام‌اوغلونون استانبولدا بلدیه سئچکی‌سینده بؤیوک فرقله غلبه‌سیندن سونرا ج.ح.پ-نین پرزیدنت سئچکی‌سینده ان آزی ایکی گوجلو نامزدی وار. اونلاردان بیری پرزیدنتلیه ادعالی‌دیر. حاکم عدالت و انکشاف پارتیاسینین نوبتی پرزیدنت سئچکی‌سینده اردوغان قدر خاریزماتیک لیدری اولماسا، غلبه شانسی آزالاجاق».